Introdukshon di Sekshon 12

Hesus a siña hende tokante e Reino di shelu. El a siña nan tambe pa pidi pa Dios su nòmber ser santifiká, pa Dios su Reino bini i pa Dios su boluntat sosodé na tera. Si bo ta un mayor, splika bo yu kiko e orashon ei ta nifiká i dikon e ta importante pa nos. Hesus a keda fiel na Dios, i e no a laga Satanas pon’é na prueba. Hesus a skohe su apòstelnan, i nan lo a hasi un trabou importante den e Reino di Dios. Enfatisá ku Hesus a traha duru pa apoyá adorashon berdadero. Hesus tabata ke yuda hende. P’esei, el a kura hende malu, el a duna hende kuminda, i el a asta lanta hende for di morto. E milagernan ku Hesus a hasi ta mustra kiko e Reino di Dios lo hasi pa hende.