Alig Moy Manaen—Iyunam si Jehova ed Bilay Mo

Nen inmunan siglo, sakey si Manaen ed saramay brother ya angidaulo ed kongregasyon diad Antioquia. Ibabaga na Biblia ya sikatoy “nanaral a kaiba nen Herodes a manuley na distrito.” (Gawa 13:1) Labay ton ibaga sirin, atagey so inaral nen Manaen tan posible ya mayaman so pamilya to.

Pero say makapadinayew ed si Manaen, pinili toy magmaliw ya Kristiano tan mabulos ya nampausar ed kongregasyon. Anggano atagey so inaral to tan wala ray kabat tod gobierno, agto ’tan inusar pian manpayaman tan magmaliw ya sikat. Mas manunad bilay to so panlingkor ed saray agagi.

Naaralan tayod alimbawa nen Manaen ya mas importante so panlingkor ed si Jehova nen say pagmaliw ya mayaman o sikat ed sayan mundo. Singa si Manaen, iyuna tayoy Jehova ed bilay tayo. (Mat. 6:33) Tan tandaan tayo ya anggano importante so edukasyon, agtayo dapat papaulyanan iray “mas importantin bengatla,” nagkalalo lay panagdayew tayod si Jehova.—Fil. 1:​9, 10.