Tips ed Pam-personal Study

No Panon ya Usaren so “What’s New” ed JW Library^® tan “Antoy Balo?” ed JW.ORG

Saray sankabaloan ya artikulo tan video et nanengneng ed seksion ya “What’s New” diad JW Library tan “Antoy Balo?” diad jw.org. Panon mon usaren iraya pian updated kan lanang?

JW Library

• Kada walay balon artikulo, iya-update so article series ya kawalaan to. Kanian no walay article series ya pinmaway ed “What’s New,” i-download mo pian nabasam so balon artikulo ya walad unaan na listaan.

• Saray andukey ya publikasyon, singa say magasin, et ompan agmo nabasa ya maminpinsan. Marakep no i-add mo ed Favorites pian mainomay mon naromog no labay mon ituloy ya basaen. No asumpal mo la, sarag mo lan i-remove ed Favorites.

JW.ORG

Wala ray impormasyon ya nabasa labat ed jw.org tan anggapo ed JW Library, singa saray balita tan announcement. Kanian i-check mon lanang so “Antoy Balo?” ed website tayo pian nanengneng mo iratan.