Maseseg ya Iyabawag so Katuaan Nipaakar ed si Jesus

Mas onseseg tayo no amta tayo no panon ya ipulong so katuaan nipaakar ed si Jesus. Sikatoy pinagkapundasyon a bato ed suyok, no iner akaletneg so pananisia tayo. (Efe. 2:20) No anggapoy Jesus, anggapoy ilalo tayon nilaban. (Gawa 4:12) Kanian importantin bidbiren tayoy betang tod gagala na Dios. Dakel natan so napapalikdo na agmakasulatan iran doktrina. Makapaermen ta ompan agda nagamoran iray bendisyon ya isisipan na Dios ed saray mangipanengneng na pananisia ed si Jesus. Say seseg parad katuaan so mamakiwas ed sikatayon tulongan iray mauyamo ya nawalaay suston pakatalos nipaakar ed si Jesus, say relasyon tod Dios, tan say betang tod gagala na Dios. Kanian diad sayan panaoy Memoryal, maseseg mo kasin iyabawag so katuaan nipaakar ed si Jesus?