Saray Pakabat

◼ Opresin literatura parad Agosto: Espisyal a kampanya na pangibunog ed balon tract ya Iner Naamtaay Ebat ed Importante Iran Tepet? Setyembre tan Oktubre: Saray magasin a Panag-bantayan tan Onliing! Nobyembre tan Disyembre: Anto so Peteg ya Ibabangat na Biblia? odino sakey ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, Antoy Pangipapasen Mod Biblia?, odino Kasin Labay Mon Naamtaan so Katuaan?

◼ Onggapo ed Setyembre, say tema na publikon paliwawa na saray manangasikasoy sirkito no ombisita rad saray kongregasyon et “No Panon Itayon Nagunggonaan ed Makadios a Kakabatan.”

◼ Paimanod saray Sekretaryo: Agmanbayag et nanengneng lay Congregation Analysis Report (S-10) diad jw.org ya Web site. Nepeg ya susto iray isulat na sekretaryo na kongregasyon tan nengnengen itan na service committee, kayari to et ipawit itan ed branch office panamegley na internet. Saray kongregasyon ya anggapoy access dad Web site et ipawitan na duaran kopya na form a sulatan da tan ipawit day orihinal a kopya ed branch office no Setyembre 6.