Kasin Regular Mon Nenengnengen so Information Board?

Saray elder, ministeryal a lingkor, tan arum nin walaan na responsabilidad ed kongregasyon et regular ya onnenengneng ed information board pian naamtaan da no walay asainmin da. Balet, amin ed kongregasyon et nanengneng da ditan iray importantin impormasyon. Kasin antam no kapigan so eskedyul yon manlinis na Kingdom Hall? Kasin walay importantin sulat ya impawit na manangasikasoy sirkito odino branch office parad kongregasyon? Kasin antam so tema na publikon paliwawa ed sayan simba pian niyimbitam itan ed iyaaralan moy Biblia? Kasin wala ray pananguman ed oras na pantitipon odino diad grupo yo parad lawak na serbisyo? Maslak ed sarayan impormasyon et agla iyaanunsio diad aral, tan ompan agla itan naibaga na saray elder ed kada manangipalapag. Kanian, kaukolan tayon regular ya nengnengen so information board. No naynay tayon aamtaen iray walad information board, amin ya bengatla et nagawa ed “masimpit tan diad mauksoy a paraan.”​—1 Cor. 14:40.