Eskedyul ed Simba na Abril 8
SIMBA NA ABRIL 8
Kanta 123 tan Pikakasi
□ Panagaral na Kongregasyon ed Biblia:
jr kap.7 ¶14-20 (30 min.)
□ Teokratikon Eskuelaan Parad Ministeryo:
Babasaen ed Biblia: Lucas 10-12 (10 min.)
No. 1: Lucas 12:1-21 (4 min. o mas antikey)
No. 2: Panon a Nagmaliw ya Walay Pandurumaan na Saray Poli na Totoo?—rs-E p. 302 ¶2–p. 303 ¶2 (5 min.)
No. 3: No Akin ya Ipapasen Tayo si Jehova Bilang Ama Tayo—Mat. 6:9 (5 min.)
□ Pantitipon Parad Panagserbi:
10 min: Sarag Moy Mamaseseg. (Roma 1:11, 12) Betang na manangasikaso na serbisyo. Paliwawa a mankomentoy dumerengel. Salambiten no pigara so regular payunir ed kongregasyon yo. Mangibaga na pigaran paraan a napaseseg ira, a singa say pangomenda ed sikara, pikimey ed sikara diad ministeryo, pangiter na pasahe ra, odino pangimbitad sikaran mangan. Tepetan iray payunir no panon iran apaseseg na arum. No anggapoy regular payunir ed kongregasyon yo, i-adjust so paliwawa pian ontukoy ed saray auxiliary payunir.
10 min: Pangebat ed Saray Tepet Nipaakar ed Kaunoran Iran Agew. Paliwawa a mankomentoy dumerengel based libron Reasoning, pahina 241, parapo 5, anggad pahina 243, parapo 1. Paidemostra so sakey ed saray suhestion.
10 min: “Alig Yoy Alimbawa na Saray Propeta—Jonas.” Tepet tan ebat.
Kanta 13 tan Pikakasi