Eskedyul ed Simba na Mayo 21
SIMBA NA MAYO 21
Kanta 121 tan Pikakasi
□ Panagaral na Kongregasyon ed Biblia:
cl kap. 23 ¶10-18 (25 min.)
□ Teokratikon Eskuelaan Parad Ministeryo:
Babasaen ed Biblia: Jeremias 44-48 (10 min.)
No. 1: Jeremias 46:18-28 (4 min. o mas antikey)
No. 2: Kasin si Maria et Innginew ya Anggapoy Kasalanan To?—rs-E p. 257 ¶3–p. 258 ¶1 (5 min.)
No. 3: Panon Itayon Makapantanem na “Nipaakar ed Espiritu”?—Gal. 6:8 (5 min.)
□ Pantitipon Parad Panagserbi:
10 min: Saray Pakabat. Salambiten so opresin literatura parad Hunyo, tan paidemostra so sakey ya presentasyon.
15 min: Sikayo Ran Kalangweran, Makapan-auxiliary Payunir Kayo Kasi Legay Bakasyon? Paliwawa. Repasoen a magano so parapo 1 ed pahina 113 na libron Organisado, ya bitlaen iray kakaukolanen parad saray man-auxiliary payunir. Insan manginterbio na sakey o duaran manangipalapag ya inusar day bakasyon dad eskuelaan pian man-auxiliary payunir. Pasesegen iray kalangweran ya nonoten day pan-auxiliary payunir diad onsublay ya bakasyon da.
10 min: “Mensahe na Dios ed Sikatayo Panamegley nen Jeremias.” Tepet tan ebat.
Kanta 41 tan Pikakasi