Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 30, 2010. Ikondukta na manangasikaso na eskuelaan so 20-minuto a repaso a nibase ed materyal ya akobrian diad saray asainmin parad simba na Hulyo 5 anggad Agosto 30, 2010.

1. Panon a say pandalepdep ed pikakasi nen Solomon diad inagurasyon et mamaaralem na apresasyon tayo ed kaabigan nen Jehova? (1 Ara. 8:22-53) [w05 7/1 p. 30 par. 3; it-2-E p. 989 par. 4]

2. Anggaman dakerakel so lingo nen David, akin et nibagan sikatoy nanakar ed arap nen Jehova “dia ed katooran na puso”? (1 Ara. 9:4) [w97 5/1 p. 5 par. 1-2]

3. Akin ya imbaga na reyna na Seba ed si Solomon a “Mapalar iraya ya ariripen mo, a manalagey a naynay ed arap mo, tan makadngel na kakabatan mo!”? (1 Ara. 10:4-8) [w99 11/1 p. 20 par. 5-7]

4. Anto so nibaga tayo ed impangiganggan nen Jehova ya ikdan si Abias na desentin ponpon? (1 Ara. 14:13) [cl p. 244 par. 11]

5. Anto so kaimportantian na nipanpanaon ya inmunan imbisita nen Elias ed si Acab? (1 Ara. 17:1) [w08 4/1 p. 19, kahon]

6. Anto so labay ya ibaga nen Elias sanen inkuan ton, ‘manpapawilpawil ed nankadua a kanonotan’? (1 Ara. 18:21) [w08 1/1 p. 19 par. 3-4]

7. Singa nipaimano ed kipapasen nen Elias, anto so gagala na panguusar nen Jehova na pakapanyari to parad saray lingkor to? (1 Ara. 19:1-12) [cl p. 42-43 par. 15-16]

8. Akin et aglabay nen Nabot ya ilakoy kaubasan to ed kinen Acab, tan anton leksion so naaralan tayo ed satan? (1 Ara. 21:3) [w97 8/1 p. 13 par. 18-20]

9. Panon a samay bii a taga Sunem et ‘nampaga ed inkasikato’ parad si Eliseo? (2 Ara. 4:13) [w97 10/1 p. 30 par. 6-8]

10. Akin ya ag-inawat nen Eliseo so regalo nen Naaman? (2 Ara. 5:15, 16) [w05 8/1 p. 9 par. 2]