Eskedyul ed Simba na Pebrero 23

SIMBA NA PEBRERO 23

Kanta 22

□ Panagaral na Kongregasyon ed Biblia:

lv kap. 1 ¶1-9, kaiba so paunan salita

□ Teokratikon Eskuelaan Parad Ministeryo:

Babasaen ed Biblia: Genesis 32-35

Repaso ed Teokratikon Eskuelaan Parad Ministeryo

□ Pantitipon Parad Panagserbi:

Kanta 1

5 min: Saray Pakabat. Ipaimano no anto so literaturan iyopresi ed Marso.

10 min: Iparaan so Pangiyopresi ed Marso 1 a Watchtower tan Marso ya Awake! Ibaga ed antikey no antoy karga na sarayan magasin, insan tepetan iray dumerengel no antoran artikulo so nayarin makapainteres ed totoo diad teritorya tan no akin. Tepetan iray dumerengel no anton tepet so usaren da pian makapangigapoy tongtongan, tan no anton teksto so ibasa ra antis dan iyopresi iray magasin. Sampotan iyan parte diad pangidemostra no panon ya iyopresi so kada magasin.

10 min: Lokal iran pankaukolan.

10 min: Kasin Uusaren Mo so Usisaen so Kasulatan Ya Inagew-agew? Paliwawa tan paningbat a kaiba so dumerengel base ed paunan salita na Usisaen so Kasulatan Ya Inagew-agew​—2009. Singbaten so kaimportantian na pangiganay panaon kada agew pian repasoen so teksto tan komento. Pankomentoen iray dumerengel nipaakar ed eskedyul na panagbasa tan panangonsidera da ed inagew-agew a teksto tan no panon iran agunggonaan.

Kanta 160