Eskedyul ed Pantitipon Parad Panagserbi

Simba na Nobyembre 10

Kanta 205

10 min: Lokal iran pakabat. Ilaktip so komento na manangasikaso na serbisyo nipaakar ed no anto la ray teritoryan akobrian na kongregasyon parad panangibunog na tract a Kasin Labay Mon Naamtaan so Katuaan? Diad antikey et repasoen iray pangaligan a presentasyon parad Nobyembre 1 a Watchtower tan Nobyembre ya Awake! a naromog ed pahina 8.

15 min: Magmaliw a Magunaet a Mamayubo ed Maaro tan Mabunlok ya Espiritu. Paliwawa na sakey ya elder base ed Nobyembre 15, 2008 a Panag-Bantayan, pahina 6-7.

20 min: “Walay Inanabang Tayon Mablin Kaykayamanan.”a Sano sisingbaten lay parapo 2, imbitaan so dumerengel a mankomento nipaakar ed espisipiko iran katuaan ed Biblia ya anagyat ed sikara diad organisasyon nen Jehova odino mas sigpot dan naapresya nanlapula nen abautismoan ira.

Kanta 71

Simba na Nobyembre 17

Kanta 80

10 min: Lokal iran pakabat. Saray Pakabat a pinili ed Ministeryo Tayo ed Panarian.

15 min: Singbaten so “Tepet” diad pahina 7.b

20 min: “Nasarag Moy Manbangat!”c Interbioen so sakey a manangipalapag odino payunir a dati et liknaen ton agton balot nasarag so mangikondukta na panagaral ed Biblia. Panon ton impatnag so panagmatalek to ed tulong nen Jehova? Diad antoran espisipikon paraan a sikatoy tinulongan na organisasyon pian magmaliw a kualipikado? Antoray agamoran ton gunggona diad impibiang to’d kimey a panagbangat na Biblia?

Kanta 143

Simba na Nobyembre 24

Kanta 217

10 min: Lokal iran pakabat. Basaen so report na kuenta tan saray sulat parad naawat a donasyon. Salambiten so opresin literatura ed Disyembre, tan ipademostra so sakey odino duaran presentasyon.

20 min: Lokal iran pankaukolan.

15 min: Iparaan so pangiyopresi ed Disyembre 1 a Watchtower tan Disyembre ya Awake! Komentoan ed antikey iray magasin, tan tepetan so dumerengel no antoran artikulo so lalon makapasagyat ed totoo diad teritorya. Antoran tepet tan teksto so nayarin usaren diad pangipresenta ed saray artikulo? Idemostra no panon ya usaren so sakey a pangaligan a presentasyon ed Ministeryo Tayo ed Panarian. Ipademostra ed sakey ya elder so antikey a presentasyon ya imparaan to base ed artikulon matukoy ed teritorya.

Kanta 208

Simba na Disyembre 1

Kanta 84

10 min: Lokal iran pakabat. Panonotan iray manangipalapag ya iter da lay report da ed lawak na serbisyo parad Nobyembre.

15 min: Say Teokratikon Eskuelaan Parad Ministeryo ed 2009. Singbaten na manangasikaso na eskuelaan so balon Teokratikon Eskuelaan Parad Ministeryo a singa nidalatdat ed “Saray Instruksion” a walad Eskedyul ed Teokratikon Eskuelaan Parad Ministeryo ya insert. Iyapasakey so imano ed saray nagawan pananguman. Pasesegen so amin a pankulian dan ipresenta iray asainmin da, manparaan na komento ed saray pabitar ed Biblia, tan mangiyaplika ed saray suhestion a sinimban iiter na manangasikaso na eskuelaan base ed Minabang ed Edukasyon na Teokratikon Eskuelaan Parad Ministeryo.

20 min: “Iparaan ed Isusumpa Iray Balo Ni.”d Sano sisingbaten lay parapo 2, ikonsidera diad magano no panon a say impormasyon a walad libron Reasoning diad teman “Jehovah’s Witnesses” so nayarin ontulong ed saray iyaaralan na Biblia ya ebatan so tepetepet na saray mangiyaansakit a kakanayon tan kakaaro.

Kanta 105

[Saray paimano ed leksab]