Eskedyul ed Pantitipon Parad Panagserbi

PAIMANO: Walay akaeskedyul a Pantitipon Parad Panagserbi diad Ministeryo Tayo ed Panarian parad kada simba legan na saray bulan na kombension. Kanian no nakaukolan et manggawa na pananguman iray kongregasyon ta pian naatendian da so “Igigiya na Espiritu na Dios” a Distriton Kombension. No matukoy, mangigana na 15 minuto ed Pantitipon Parad Panagserbi antis ya onatendi ed kombension pian uliten iray onaplikan bilin tan saray panonot a walad insert na sayan ministeryo. Kayari sakey odino duaran bulan na kombension yo, mangigana na 15 anggad 20 minuto ed Pantitipon Parad Panagserbi (nayarin usaren so lokal a pankaukolan a parte) pian repasoen iray punto ed kombension ya akatulong ed saray manangipalapag diad panagministeryo ra. Sayan panrepaso so betang na manangasikaso na serbisyo.

Simba na Oktubre 13

Kanta 174

10 min: Lokal iran pakabat. Isalaysay so lokal iran uksoyan parad espisyal a kampanya ed tract ya onggapo no Oktubre 20, tan pasesegen so amin a mangala na suplay dan tract no agni ira angala. Repasoen a magano so pangaligan a presentasyon parad Oktubre-Disyembre a Panag-Bantayan tan Oktubre ya Awake a naromog ed pahina 8. Lapud dakel a manangipalapag so akapangiyopresi la ed sarayan magasin ed apalabas iran simba, paisalaysay ed saray dumerengel iray eksperiensya ra.

35 min: “Eskedyul ed Balon Pantitipon na Kongregasyon.”a No wala ni oras, basaen iray nisitas a teksto, tan pakomentoan iraya ed saray dumerengel.

Kanta 216

Simba na Oktubre 20

Kanta 113

5 min: Lokal iran pakabat. Pinili iran Pakabat manlapud Ministeryo Tayo ed Panarian.

30 min: “Sakey ya Okasyon Pian Natagano ed Espiritual tan Manggayaga.”b Betang na sekretaryo na kongregasyon. Salambiten so aka-asainan na kongregasyon a kombension. Repasoen so kahon a “Saray Panonot ed Distriton Kombension.”

10 min: Manparaan ed Pangiyopresi ed Nobyembre 1 a Watchtower tan Nobyembre ya Awake! Kayari pangiter na antikey a sumaryo ed saray magasin, tepetan iray dumerengel no antoran artikulo so iisipen dan makapainteres ed dakel diad teritorya ra. Isalaysay no akin. Kerewen ed saray dumerengel a mangisuheri na matukoy a tepet a plano ran usaren ed pangigapo na tongtongan, tan sakey a teksto manlapud artikulo ya usaren antis ya iyopresi iray magasin. Sampotan na akanbetang diad pangipademostra no panon ya iyopresi so magasin, ya usaren so pangaligan iran presentasyon ed pahina 8.

Kanta 148

Simba na Oktubre 27

Kanta 30

5 min: Lokal iran pakabat. Basaen iray report na kuenta tan sulat nipaakar ed naawat a donasyon.

10 min: Lokal iran pankaukolan.

30 min: “Importante so Personal tan Pampamilyan Panagaral!”c No wala ni oras, basaen iray nisitas a teksto tan pakomentoan iraya ed saray dumerengel.

Kanta 142

Simba na Nobyembre 3

Kanta 100

5 min: Lokal iran pakabat. Panonotan iray manangipalapag ya iter da iray report da ed lawak parad Oktubre. Ontan met, singbaten so “Tepet” ed pahina 3 a mibiang iray dumerengel.

15 min: Pansiansiaen so Gayaga ed Ministeryo. Makapaseseg a paliwawa a nibase ed Say Panag-Bantayan na Hulyo 1, 2005, pahina 24-25, manlapud parapo 11-17. Ilaktip so panginterbio ed sakey odino duara ya abayag lan matoor a lingkor nen Jehova. Anto so akatulong ed sikaran napansiansia so liket anggaman ag-interesado iray totoo?

15 min: Paaligwas Yo so “Dunong ed Panagbangat.” Ipabitar tan komentoan na manangasikaso na serbisyo odino arum a kualipikadon mamatatken so limaran manunan aspekto a manasaglawi ed epektibon panagbangat unong ya asalambit ed parapo 5-18 ed pahina 9-12 na Enero 15, 2008, a Panag-Bantayan. Manginterbio na sakey odino duaran manangipalapag ya atulongan na sayan impormasyon a napaaligwas so abilidad da ed panagbangat.

Kanta 91

[Saray painamo ed leksab]