Saray Pakabat

◼ Opresin literatura parad Setyembre: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia ed unonan pitongtong. Sano walaan la na sayan libro iray unabung, ipanengneng no panon iran nagunggonaan ed satan diad antikey a pangidemostra ed panagaral na Biblia. Oktubre: Saray magasin a Say Panag-Bantayan tan Awake! No akaromog na interesado, iparungtal tan isingbat so tract a Labay Moy Makaaral nin Maong Diad Biblia?, a say kalat et pian nigapo so panangiyaral na Biblia. Nobyembre: Manaral Manlapud Sankamaongan a Managbangat. No ibaga na totoo ya anggapoy ananak da, iyopresi so brosyur a Mantultuloy a Manbantay! Disyembre: Anggan dinan ed onggendan iran libro so nayarin iyopresi: The Greatest Man Who Ever Lived, Onapit ed si Jehova, odino Say Sekreto na Liket ed Pamilya.

◼ Say mangidadaulon manangasikaso odino siopaman a turoen to so nepeg a man-audit ed saray kuenta na kongregasyon parad bulan na Hunyo, Hulyo, tan Agosto. Iyanunsio iya ed kongregasyon sano agawaan la tan sano imbasa la so ontumbok a report ed kuenta.​—Nengnengen so Instructions for Congregation Accounting (S-27).

◼ Say video a Jehovah’s Witnesses​—Organized to Share the Good News so singbaten diad Pantitipon Parad Panagserbi no Disyembre. No nakaukolan, man-request na saray kopya panamegley na kongregasyon ya isakbay la no posible.

◼ Napanonotan iray mamatatken a tumboken da iray instruksion ed pahina 15-17 na Mayo 1, 1991, a Panag-Bantayan (Abril 15, 1991, a Watchtower, p. 21-3), nipaakar ed siopaman ya adispelosip odino sinmian a nayarin manpirawat a makapawil la.

◼ Panonot ed Amin a Mamatatken: Diad “Tepet” ed pahina 7 na Nobyembre 2005 a Ministeryo Tayo ed Panarian, nibaga a kaukolan a walay resolusyon ya aprobaan na kongregasyon parad gastos na manangasikaso na sirkito legan na bisita to. Saya so inuman natan. Agla kaukolan a manggawa ni na resolusyon parad sayan gagala. Antokaman a gastos na manangasikaso na sirkito legan na bisita to ya abobonan na saray mamatatken a salipotpotan so nepeg ya ipasen bilang kabiangan ed saray gastos tan nayarin alaen ed pundo na kongregasyon ya agla kaukolan so resolusyon.