Eskedyul ed Pantitipon Parad Panagserbi

Simba na Pebrero 12

Kanta 52

10 min: Lokal iran pakabat. Idemostra no panon ya iyopresi so Pebrero 15 a Panag-Bantayan tan Pebrero ya Awake! diad pangusar ed saray suhestion a walad pahina 8 odino arum niran presentasyon a matukoy ed teritorya yo. Diad sakey ed saray demostrasyon, ipanengneng no panon a naebatan so manamatunday tongtongan ya, “Agak interesado ed relihyon.”​—Nengnengen so libron Reasoning, p. 16-17.

25 min: “Iyabawag so Karlangan nen Jehova.”a Betang na manangasikaso na serbisyo. Diad matukoy iran porsyon legan na diskusyon, iyanunsio so oras tan pasen na Memoryal, saray uksoyan parad kaaruman iran pantitipon antis na kapapaway, tan say kalat na kongregasyon nipaakar ed panag-auxiliary payunir no Abril.

10 min: Panangipulong ed Maong a Balita Diad Mauksoy a Paraan. Paliwawa a walay pibibiang na dumerengel a nibase ed Organisadon Manggawa na Linawa nen Jehova, manlapud paulo ed pahina 102 anggad sampot na kapitulo.

Kanta 147 tan pansaran pikakasi.

Simba na Pebrero 19

Kanta 198

5 min: Lokal iran pakabat.

20 min: “Aligen so Sankamaongan a Managbangat Sano Usaren so Libron Ibabangat na Biblia.”b Sano singbaten so parapo 6, mangipanengneng na antikey a demostrasyon no panon ya usaren na manangipalapag so kahon ed sampot na kapitulo 6 ed libron Ibabangat na Biblia ta pian irepaso so kapitulo ed iyaaralan to.

20 min: Kasin Makapangigapo Kayo na Panangiyaral ed Biblia no Marso? Singbaten a pibiangen iray dumerengel. Iyopresi tayo legan na unonan kapalduay bulan na Marso so libron Ibabangat na Biblia diad kalat a makapangigapo na saray panangiyaral na Biblia. Repasoen iray suhestion ed insert na Enero 2006 a Ministeryo Tayo ed Panarian, pahina 3-6. Idemostra no panon a nigapo la ed primeron dalaw so panangiyaral, ya usaren so sakey ed saray suhestion a walad pahina 6 odino arum niran presentasyon a matukoy ed teritorya yo. Imbitaan iray dumerengel a mangisalaysay na marakep iran naeksperiensya ra sanen inusar da so libro, nagkalautla diad panangigapo na panangiyaral na Biblia.

Kanta 220 tan pansaran pikakasi.

Simba na Pebrero 26

Kanta 29

10 min: Lokal iran pakabat. Basaen iray report na kuenta tan pisasalamat ed saray naawat a donasyon. Idemostra so pangiyopresi ed Marso 1 a Panag-Bantayan tan say Marso ya Awake! diad pangusar ed saray suhestion a walad pahina 8 odino arum niran presentasyon a matukoy ed teritorya yo. Diad sakey ed saray demostrasyon, ipanengneng so sakey a manangipalapag a manpupulong ed pasen na negosyo.

15 min: “Aglilingwanan Iramay Inaktibo.”c Ilaktip iray komento ed Mayo 1, 2004, a Panag-Bantayan, pahina 21-2, parapo 13-16.

20 min: “Aligen si Kristo ed Panagministeryo Yo.”d No iyabuloy ni oras, ipabasa tan pakomentoan ed saray dumerengel iray nisitan teksto.

Kanta 18 tan pansaran pikakasi.

Simba na Marso 5

Kanta 32

10 min: Lokal iran pakabat. Saray Pakabat a pinili ed Ministeryo Tayo ed Panarian.

20 min: Usaren so Espisyal ya Imbitasyon Parad Memoryal. Say manangidaulon manangasikaso so mangibasa tan maningbat ed sulat ya Enero 3, 2007, nipaakar ed no panon ya usaren so espisyal ya imbitasyon parad Memoryal. Bunogan na sansakey ya imbitasyon so kada inmatendi, tan mangipresenta na duara odino taloran antikey a presentasyon no panon ya usaren itan.

15 min: “Kayamanan ya Inmatalek ed Sikatayo.”e No iyabuloy na oras, imbitaan iray dumerengel a komentoan iray nisitan teksto.

Kanta 104 tan pansaran pikakasi.

[Saray paimano ed leksab]