Eskedyul ed Pantitipon Parad Panagserbi

Simba na Disyembre 11

Kanta 174

15 min: Lokal iran pakabat. Singbaten so “Balon Programa na Agew na Espisyal ya Asamblea.” Diad pangusar ed saray suhestion ed pahina 8 odino ed arum nin presentasyon no matukoy ed teritorya yo, idemostra no panon ya iyopresi so Disyembre 15 a Panag-Bantayan tan Disyembre ya Awake! Diad sakey ed saray demostrasyon, ipanengneng no panon ya ebatan so manamaer na tongtongan ya “Agak interesado.”​—Nengnengen so libron Reasoning, p. 16.

15 min: Say Teokratikon Eskuelaan Parad Ministeryo parad 2007. Paliwawa tan interbio ya ikondukta na manangasikaso na eskuelaan. Singbaten manlapud insert na Nobyembre 2006 a Ministeryo Tayo ed Panarian, iray punton onaplika ed lokal a Teokratikon Eskuelaan. Ipaliwawa ya ag-iyaanunsion tampol na manangasikaso na eskuelaan no antoy kikimeyan na estudyante a kalidad na panagsalita. Lapud nasumpal tayon basaen iray Hebreon Kasulatan manlapud Isaias 24 anggad sampot na Malaquias legan na taon 2007, pankanawnawa la iyan taon pian saray publikasyon tayon mangipapaliwawa ed sarayan mapropetikon libro so nausar na saray niasain ya agagin lalaki a mangiparaan ed saray pabitar na Biblia, tan saray arum nin mankomento. Manginterbio na duara odino taloran manangipalapag a balanglan: sakey a balon estudyante, kalangweran ya estudyanten maabig so iyaaligwas to, tan sakey ya eksperiensyadon estudyante. Paisalaysay ed sikara no antoray epekto na eskuelaan ed ministeryo tan espiritualidad da. Pabiskegen so amin a manpeleng a manumpal ed saray asainmin da, mibiang ed saray pabitar na Biblia, tan mangiyaplika ed saray suhestion a sinimban iiter manlapud Minabang ed Edukasyon na Teokratikon Eskuelaan Parad Ministeryo.

15 min: “Agmo Papaandien so Inmunan Arom.”a No iyabuloy na oras, pakomentoan ed saray dumerengel iray nisitas a teksto.

Kanta 193 tan pansaran pikakasi.

Simba na Disyembre 18

Kanta 150

10 min: Lokal iran pakabat. Saray Pakabat a Pinili Manlapud Ministeryo Tayo ed Panarian. Repasoen iray punto ed “Tepet.” Salambiten so espisyal ya uksoyan ed kapapaway parad Disyembre 25 tan Enero 1.

15 min: “Pawilen so Amin ya Angipatnag na Samet ya Interes.”b Pankomentoen iray dumerengel no panon iran akapangala na impormasyon a pakakontakan ed saray interesadon totoo ya akatongtong da sanen nantasi ira ed impormal a paraan odino manpupulong ira ed karsada tan paisalaysay ed sikara so antokaman ya alay abig ya eksperiensya ra diad impawil da ed saratan. Nayarin masakbay lan iparaan so sakey odino duaran komento.

20 min: “Mangitarok na Saray Bendisyon so Maboluntaryon Espiritu.”c Manginterbio na sakey odino duaran manangipalapag a kabkabat ed inka-maboluntaryo ra. Panon dan impatnag so maboluntaryon espiritu? Antoray pananguman a kaukolan dan gawaen, tan panon dan agawaan iratan? Bilang resulta, antoran bendisyon so agamoran da?

Kantan 108 tan pansaran pikakasi.

Simba na Disyembre 25

Kanta 210

15 min: Lokal iran pakabat. Ibasa iray report na kuenta tan pisasalamat ed saray naawat a donasyon. Singbaten so “Balon Programa na Sirkiton Asamblea.” Diad pangusar ed saray suhestion ed pahina 8 odino ed arum nin presentasyon a matukoy ed teritorya yo, idemostra no panon ya iyopresi so Enero 1 a Panag-Bantayan tan Enero ya Awake! Diad sampot na kada presentasyon, mangitilak na tepet a manenyeg ed nonot pian ebatan ed ontumbok ya idalaw diad pangusar ed libron Ibabangat na Biblia.

15 min: Lokal iran pankaukolan.

15 min: “Walaan Ka Kasi na Personal a Teritorya?”d Mangilaktip na antikey iran komento manlapud manangasikaso na serbisyo nipaakar ed saray ketegan na teritoryay kongregasyon, no panon kabetbet iratan a nakikimeyan, tan nipaakar ed kiwawala na saray personal a teritorya.

Kanta 219 tan pansaran pikakasi.

Simba na Enero 1

Kanta 158

5 min: Lokal iran pakabat. Panonotan iray manangipalapag ya iter da lay report da ed lawak na serbisyo parad Disyembre.

15 min: Pangireport ed Iyaaligwas na Ministeryo. Paliwawa a walay pibibiang na saray dumerengel base ed Organisadon Manggawa na Linawa nen Jehova, manlapud subtitulo na pahina 83 anggad sampot na kapitulo.

25 min: “Manplano la Natan a Man-Auxiliary Payunir!”e Sano sisingbaten so parapo 8, saglawien so petsa na ibisita na manangasikaso na sirkito, no amta la itan. Manginterbio na duara odino talora a nan-auxiliary payunir ed agano ni. Antoran pananguman so ginawa ra ed eskedyul da? Panon iran agunggonaan? No wala, nayarin say sakey ya interbioen et samay akapan-auxiliary payunir lapud sikatoy sinuportaan na arum a kapamilyaan to.

Kanta 65 tan pansaran pikakasi.

[Saray paimano ed leksab]