Eskedyul ed Pantitipon Parad Panagserbi

Simba na Nobyembre 13

Kanta 152

10 min: Lokal iran pakabat. Diad pangusar ed saray suhestion ed pahina 8, idemostra no panon ya iyopresi so Nobyembre 15 a Panag-Bantayan tan Nobyembre ya Awake!

20 min: Saray Ministro na Maong a Balita. Paliwawa a walay pibiang na saray dumerengel base ed Organisadon Manggawa na Linawa nen Jehova, pahina 77 ya anggad subtitulo ed pahina 83.

15 min: “Makpel Ingen ta Mikakareenan.”a Ilaktip iray komento ed libron Eskuelaan Parad Ministeryo, pahina 252-3, diad silong na aka-italiko a subtitulon “No Kapigay Pamalugar.”

Kanta 39 tan pansaran pikakasi.

Simba na Nobyembre 20

Kanta 132

10 min: Lokal iran pakabat. Saray Pakabat a pinili manlapud Ministeryo Tayo ed Panarian.

15 min: Lokal iran pankaukolan.

20 min: Panangiyopresi ed libron Greatest Man diad Disyembre. Singbaten a kaiba iray dumerengel. Imbitaan iray dumerengel a mankomento no antoy inapresya ra ed libron Greatest Man tan no antoray matalonggaring ya eksperiensya ra diad apalabas diad impangiyopresi ed satan. Repasoen iray pangaligan a presentasyon ed insert na Enero 2005 a Ministeryo Tayo ed Panarian. Idemostra no panon ya iyopresi so libro, diad pangusar ed sakey ed saratan a pangaligan a presentasyon.

Kanta 203 tan pansaran pikakasi.

Simba na Nobyembre 27

Kanta 111

5 min: Lokal iran pakabat. Ibasa iray report na kuenta tan pisalamatan iray naawat a donasyon.

10 min: Nankakasakey a Mangipapaalagey Pian Idayew so Dios. Paliwawa na sakey a matatken base ed Nobyembre 1, 2006, a Panag-Bantayan, pahina 17-21.

15 min: “No Panon ya Iparaan so Pangipresenta ed Magasin.”b Mangilaktip na taloran-minuton demostrasyon na duaran manangipalapag, nayarin sanasawa, a mamipili na nisuherin presentasyon a pinmatnag ed pahina 8 parad saray magasin ed Disyembre tan mandedesidi no panon ya usaren itan, ya ibabalikas da itan ed dili ran salita. Insan, diad pangusar ed saray suhestion ed artikulon kapkapankonsidera, iparaan tan idemostra ra no panon dan ipresenta so arum nin artikulo ya aromogan dan nipanpanaon ed teritorya ra.

15 min: Panon Ko Kasin Napulongan Iray Kaeskuelaan Ko? Paliwawa a walay pibiangan na saray dumerengel base ed Marso 22, 2002 ya isyu na Awake! pahina 10-12. Paisalaysay ed saray dumerengel iray marakep a naeksperiensya ra sanen nampulong ira ed saray kaeskuelaan da.

Kanta 120 tan pansaran pikakasi.

Simba na Disyembre 4

Kanta 155

10 min: Lokal iran pakabat. Panonotan iray manangipalapag ya iter da la iray report da ed lawak na serbisyo parad Nobyembre. Repasoen so “Tepet” ed pahina 2.

15 min: “Apocalipsis​—Asingger la so Engranden Kapantokan To!”c Pasesegen so kongregasyon ya epektibon mangusar ed saray espisyal a kabiangan na libro, a singa saray kahon tan ilustrasyon. Diad sampot na kada panagaral, nepeg a repasoen so leksion manlapud Biblia.

20 min: Usaren so Biblia Sano Oneebat. Singbaten a kaiba iray dumerengel a nibase ed Agosto 15, 2002 a Panag-Bantayan, pahina 17-18, diad silong na paulon “Ipanengneng so Aro ed Katuaan ya Ibabangat Tayo.” Pakomentoan ed saray dumerengel so kada tepet. Idemostra a sakey a manangipalapag so manguusar na libron Reasoning pian mangiter na Makasulatan ya ebat ed sakey a katrabahoan ya angitepet na, “Akin et agyo seselebraan so Krismas?”

Kanta 168 tan pansaran pikakasi.

[Saray paimano ed leksab]