Eskedyul ed Pantitipon Parad Panagserbi

Paimano: Niyeskedyul so sakey a Pantitipon Parad Panagserbi ed Ministeryo Tayo ed Panarian parad kada simba na saray bulan na kombension. Nayarin manggawa na pananguman iray kongregasyon no nakaukolan ta pian naatendian da so kombension. Sakey odino duaran bulan kayari na kombension yo, mangigana na 15 anggad 20 minuto ed Pantitipon Parad Panagserbi (nayarin diad parte a lokal a pankaukolan) bilang panrepaso ed saray importantin punto ed kombension. Aliwa iyan panrepaso ed interon programa. Imbes, ipabitar labat iray parte a direktan misiglaotan ed kimey ed lawak na serbisyo. Pankomentoen iray dumerengel no panon dan iyaaplika iratan ya impormasyon ed ministeryo ra.

Simba na Oktubre 9

Kanta 25

10 min: Lokal iran pakabat. Pinili iran Pakabat ed Ministeryo Tayo ed Panarian. Diad pangusar ed saray suhestion ed pahina 8, idemostra no panon ya iyopresi so Oktubre 15 a Panag-Bantayan tan say Oktubre ya Awake! kaiba so Kingdom News No. 37.

15 min: “Sankamundoan a Kampanya na Panangiyanunsio ed ‘Asingger la so Kililiktar!’ a Distriton Kombension.”a Seguroen a basaen so amin a parapo.

20 min: Manparaan Diad Pangibunog ed Kingdom News No. 37. Paliwawa a walay pibiang na dumerengel. Repasoen iray uksoyan parad kampanya, unong a siningbat ed Setyembre a Ministeryo Tayo ed Panarian. Pasesegen iramay walaan na onaaligwas iran iyaaralan na Biblia a nonoten da no kualipikado la iray iyaaralan da a mibiang ed kampanya bilang agbautismadon manangipalapag. Nayari met ya ikonsidera na atateng no kualipikado la iray ananak da. Idalatdat diad antikey iray kakaukolanen manlapud pahina 79-81 na Organisadon Manggawa na Linawa nen Jehova.

Kanta 221 tan pansaran pikakasi.

Simba na Oktubre 16

Kanta 84

5 min: Lokal iran pakabat.

10 min: “Anto so Iyuuna Yo?”b Imbitaan iray inyasain lan manangipalapag a komentoan da no panon so pangitutukoy da ed eskedyul da ta pian niyuna ra so intereses na Panarian.

30 min: “Mantultuloy a Manalagar ed si Jehova.”c Betang na sekretaryo na kongregasyon. Antikey a kobrian iray punto ed kahon a “Saray Panonot ed Distriton Kombension.”

Kanta 172 tan pansaran pikakasi.

Simba na Oktubre 23

Kanta 58

10 min: Lokal iran pakabat. Basaen so report na kuenta tan pisalamatan iray donasyon. Diad pangusar ed saray suhestion ed pahina 8, idemostra no panon ya iyopresi so Nobyembre 1 a Panag-Bantayan tan say Nobyembre ya Awake!

15 min: “Ondengel Komon, tan Namunat ed Aral.”d Tepetan so dumerengel no anto so makakatulong ed sikara pian napaliisan da iray pakadisturboan ed saray kombension.

20 min: “Sigpot a Minabang ed Saray Pantitipon Parad Lawak na Kimeyan.”e Sano sisingbaten so parapo 3, ilaktip iray komento ed parapo 4 na “Tepet” diad Setyembre 2001 a Ministeryo Tayo ed Panarian, nipaakar ed no panon ya asikasoen iray kipapasen no bilang ta anggapo so kualipikadon agin laki a mangidaulo ed sayan pantitipon.

Kanta 143 tan pansaran pikakasi.

Simba na Oktubre 30

Kanta 207

10 min: Lokal iran pakabat. Panonotan so amin ya iter da lay report da ed lawak na kimeyan tan isulat da ed beneg na satan no pigaran Kingdom News No. 37 so nipalima ra.

15 min: “Panon Itayon Makatulong?” Sakey a paliwawa. Idanet a no walaray malabay a mandonasyon parad saramay naapektoan na kalamidad, matukoy ya iter da itan parad saray pundon usaren ed sankamundoan a kimey.

20 min: Saray Eksperiensya ed Panangiyopresi na Kingdom News No. 37. Paisalaysay ed saray manangipalapag no anto iray makapaseseg a resulta a nanggayagaan da diad panangibunog ed Kingdom News No. 37. Ipaamta met no kaunongan kalaknab so teritoryan akimeyan la tan no anto so nakaukolan pian nasumpal a kobrian itan anggad Nobyembre 12. Idemostra so sakey a panagpawil ya usaren so libron Ibabangat na Biblia. Panonotan iray manangipalapag ya ipawil da iray kopya na Kingdom News ya agda la nibunog sakbay a nasumpal so kampanya ta pian nausar iratan na arum.

Kanta 136 tan pansaran pikakasi.

Simba na Nobyembre 6

Kanta 146

10 min: Lokal iran pakabat. Diad pangusar ed saray suhestion ed pahina 3-4 na Enero 2005 a Ministeryo Tayo ed Panarian, idemostra no panon ya iyopresi so Manaral Manlapud Sankamaongan a Managbangat kaleganan na Nobyembre 16 anggad 30.

15 min: Pagmaliwen Yon Makapalikliket tan Mapagalang so Agew na Kasal Yo. Paliwawa na sakey a matatken a nibase ed Oktubre 15, 2006, a paway na Say Panag-Bantayan, pahina 28-31.

20 min: Minabang ed Panagaral na Kongregasyon ed Libro. Paliwawa a walay pibiang na saray dumerengel a nibase ed Organisadon Manggawa na Linawa nen Jehova, manlapud paulo ed pahina 69 anggad unonan paulo ed pahina 72.

Kanta 8 tan pansaran pikakasi.

[Saray paimano ed leksab]