Eskedyul ed Pantitipon Parad Panagserbi

Simba na Setyembre 11

Kanta 20

10 min: Lokal iran pakabat. Saray pinilin Pakabat ed Ministeryo Tayo ed Panarian. Pasesegen so amin a bantayan da so video a Young People Ask​—How Can I Make Real Friends? bilang preparasyon ed diskusyon a gawaen ed Pantitipon Parad Panagserbi diad simba na Setyembre 25. Diad pangusar ed saray suhestion ed pahina 8, idemostra no panon ya iyopresi so Setyembre 15 a Panag-Bantayan tan Setyembre ya Awake!

25 min: Minabang ed Pantitipon Parad Panagserbi tan ed Teokratikon Eskuelaan Parad Ministeryo. Paliwawa a walay pibibiang na dumerengel a nibase ed Organisadon Manggawa na Linawa nen Jehova, a manlapud paulo diad pahina 64 anggad paulo diad pahina 69.

10 min: Sulat na Sangan Opisina ed Pahina 1. Paliwawa a walay pibibiang na dumerengel. Pasesegen so amin a mangipatnag na apresasyon ed balo iran pasilidad ed panag-imprinta diad sigpot a panuporta ed panangibunog ed magasin.

Kanta 126 tan pansaran pikakasi.

Simba na Setyembre 18

Kanta 213

5 min: Lokal iran pakabat.

15 min: Anto so Agawaan Tayo nen Imbeneg a Taon? Repasoen na manangasikaso na serbisyo so apalabas a serbisyon taon, ya iyapasakey ed saray maabig ya agawaan ed ministeryo. Mangiter na matukoy a komendasyon. Salambiten so sakey odino duaran aspekto a nakaukolan ya ikdan na imano ed ontumbok a taon. Komentoan so agawaan na saray payunir, a komendaan ira ed maong a kimey da. Isalaysay so maabig iran resulta ya agawaan diad impanulong ed saray inaktibo.

25 min: “Espisyal a Kampanya No Oktubre 16 anggad Nobyembre 12!” Maligsan singbaten na sakey a matatken. Kayari ton basaen so anunsio a walad sulat ed saray mamatatken ya apetsaan na Hunyo 6, 2006, ibunog so sakey a kopya na Kingdom News No. 37 ed kada inmatendi. Insan ituloy ed tepet-tan-ebat a paningbat ed artikulo. Pasesegen so amin a manangipalapag a sigpot a mibiang ed sayan kampanya. Idemostra so antikey a presentasyon.

Kanta 50 tan pansaran pikakasi.

Simba na Setyembre 25

Kanta 94

10 min: Lokal iran pakabat. Basaen so report na saray kuenta tan pisalamatan iray donasyon. Diad pangusar ed saray suhestion ed pahina 8, idemostra no panon ya iyopresi so Oktubre 1 a Panag-Bantayan odino say Oktubre ya Awake!

25 min: “Say Video a Nepeg a Seryoson Morekdeken.”a Legan a sisingbaten so parapo 1, kerewen ed kongregasyon so pangiter na antikey a komento ra nipaakar ed video a Young People Ask​—How Can I Make Real Friends? Insan onggapon tampol ed diskusyon ed kada tepet a niparungtal ed parapo 2-7.

10 min: Lokal iran eksperiensya. Imbitaan so dumerengel a mangisalaysay ed saray eksperiensya ra sanen ipapalima ra so espisyal ya isyu na Awake! odino sanen mangigagapo ira na panangiyaral na Biblia ed unonan dalaw diad impangusar da na libron Ibabangat na Biblia. Sakey odino duaran alay abig ya eksperiensya so nayarin iyakto lamet.

Kanta 183 tan pansaran pikakasi.

Simba na Oktubre 2

Kanta 36

10 min: Lokal iran pakabat.

15 min: Lokal iran pankaukolan.

20 min: “Panagpulong ed Kabkaabungan.”b No iyabuloy na oras, pakomentoan ed saray dumerengel iray nisitas a kasulatan.

Kanta 127 tan pansaran pikakasi.

[Saray paimano ed leksab]