Eskedyul ed Pantitipon Parad Panagserbi

Simba na Hunyo 12

Kanta 218

10 min: Lokal iran pakabat. Diad pangusar ed saray suhestion ed pahina 4 odino arum nin presentasyon a matukoy ed teritorya yo, idemostra no panon ya iyopresi so Hunyo 15 a Panag-Bantayan tan say Hunyo ya Awake! Diad sakey ed saray presentasyon, idemostra so pangiyopresi ed saray magasin ed impormal a paraan.

20 min: “Say Ministeryo Tayo​—Kimey a Pakapatnagan na Panangasi.”a No iyabuloy ni oras, pakomentoan ed saray dumerengel iray nisitan teksto.

15 min: Manmatalek ed “Matoor tan Makabat ya Aripen.” Paliwawa a pibiangan na saray dumerengel base ed kapitulo 3 na Organisadon Manggawa na Linawa nen Jehova.

Kanta 47 tan pansaran pikakasi.

Simba na Hunyo 19

Kanta 21

10 min: Lokal iran pakabat. Saray Pakabat a pinili ed Ministeryo Tayo ed Panarian.

20 min: Say Salita ed Kanepegan To, Agayla so Abig To! Paliwawa a pibiangan na saray dumerengel base ed Enero 1, 2006 a Panag-Bantayan pahina 16-19. Diad introduksion, ipabitar so apatiran gunggona na pangomenda ed arum, unong ya asingbat ed silong na paulon “Positibo Iran Epekto.” Insan imbitaan iray dumerengel a mankomento nipaakar ed sarayan tepet: Siopa so sankamanunaan a makanepegan na panangidayew? Akin a makanepegan na matukoy a komendasyon iray kaparan managdayew? Antoray walan pankanawnawa tayo pian mangomenda ed kongregasyon? Akin a makagunggona so pangomenda ed saray kapamilyaan, tan panon tayon nagawaan itan? Asali yo ta la so apaseseg odino apabiskeg ed komendasyon a naawat yo?

15 min: “Ipatnag so Personal ya Interes​—Diad Pangomenda.”b Mangilaktip na antikey a demostrasyon a ditan et say manangipalapag so ontalineng a maong ed unabung, mangiter na masimoon a komendasyon, tan ibase toy tongtongan ed imbaga na unabung diad panginabang na sakey a matukoy a teksto.

Kanta 96 tan pansaran pikakasi.

Simba na Hunyo 26

Kanta 63

15 min: Lokal iran pakabat. Basaen so report na kuenta tan saray naawat a donasyon. Diad pangusar ed saray suhestion ed pahina 4 odino arum niran presentasyon a matukoy ed teritorya yo, idemostra no panon ya iyopresi so Hulyo 1 a Panag-Bantayan tan Hulyo ya Awake! Diad sampot na kada presentasyon, mangitepet so manangipalapag na tepet a managyat ed unabung a mannonot pian ebatan ed ontumbok ya idalaw ya usaren so libron Ibabangat na Biblia.

15 min: Panlingkor ed Kongregasyon a Sananey so Lenguahe. Paliwawa base ed Marso 15, 2006 a Panag-Bantayan, pahina 17-20. Ilaktip iray komento ed libron Organisado pahina 112, parapo 2. Iyaplika ed lokal so materyal. Nayarin ilaktip so panginterbio ed sakey odino duara a manggugunaet a mamalaknab ed ministeryo ra diad panaaral da na arum a lenguahe.

15 min: Panangipresenta ed Maong a Balita ed Hulyo. Antoran tema so paniinteresan na karaklan a totoo ed teritorya yo? Interbioen ed magano so sakey odino duaran manangipalapag ya epektibon akapangusar ed libron Ibabangat na Biblia tan nayarin akapangigapo la na panangiyaral na Biblia. Insan mangidemostra na panangipresenta ed opresin literatura ed kabkaabungan, ya usaren so sakey a presentasyon ya apaneknekan ya epektibo ed teritorya yo.​—Nengnengen so Enero 2005 a Ministeryo Tayo ed Panarian, p. 8, par. 5.

Kanta 208 tan pansaran pikakasi.

Simba na Hulyo 3

Kanta 111

10 min: Lokal iran pakabat. Panonotan iray manangipalapag ya iter da la iray report da ed lawak na serbisyo parad Hunyo no agda ni niiter.

15 min: Lokal iran pakabat.

20 min: “No Panon Mon Nakapet Iray Espiritual a Kalat Mo.”c Imbitaan iray kalangweran ed kongregasyon a mankomento nipaakar ed espiritual iran kalat da tan no antoy gagawaen da pian nakapet iratan. Nayarin iyuksoy lan masakbay so sakey odino duaran komento.

Kanta 30 tan pansaran pikakasi.

[Saray paimano ed leksab]