Ehemplo Parad Kalangweran Man o Maedad la

Nanggayagaan toy maligsa tan maapit a relasyon ed Dios. Indeboto toy bilay to ed panggawa na linawa nen Jehova. Sikatoy “nanakar a kaibay tuan Dios” tan atumangan lapud impanggawa ed satan. Satan a too et si Noe, sakey ya ehemplo a makanepegan ya aligen na namparan malangwer tan maedad la. (Gen. 6:9, NW) Say video a Noah​—He Walked With God so ontulong ed sikayon nilitrato ed nonot yo no antoy klase na bilay nen Noe, no akin a sikatoy makanepegan na bendisyon nen Jehova, tan no panon yon naalig iray maabig a kalidad to.

Say DVD ya edisyon na video a Noah so mangilaktip ed onggendan a “Video Quiz.” Bantayan so video, insan suboken so inkasikayo: (1) Antoy mauges a ginawa na pigaran anghel, tan sioparay Nephilim? (Gen. 6:1, 2, 4) (2) Akin a saray totoo so nagmaliw a mauges, tan antoy liknaan na Dios nipaakar ed satan? (Gen. 6:4-6) (3) Panon a miduma si Noe? (Gen. 6:22) (4) Panon ya aderal iray mauges a totoo? (Gen. 6:17) (5) Panon kabaleg so biong? (Gen. 6:15) (6) Anto ni ginawa nen Noe, tan antoy reaksion na saray totoo? (Mat. 24:38, 39; 2 Ped. 2:5) (7) Kaunongay karakel na balang ayep ed biong? (Gen. 7:2, 3, 8, 9) (8) Panon kabayag so uran, tan panon kabayag ya ayanep so dalin? (Gen. 7:11, 12; 8:3, 4) (9) Akin ya akaliktar si Noe tan say pamilya to? (Gen. 6:18, 22; 7:5) (10) Iner sinmadsar so biong? (Gen. 8:4) (11) Panoy pakaamta nen Noe a liktar lay ompaway ed biong? (Gen. 8:6-12) (12) Antoy ginawa nen Noe kapaway to ed biong? (Gen. 8:20-22) (13) Antoy irerepresenta na kabunlalakaw? (Gen. 9:8-16) (14) Antoy kabaliksan na ‘panakar a kaibay Dios’? (Gen. 6:9, 22; 7:5, NW) (15) Anto so kakaukolanen ed sikatayo pian nanengneng tayoy Noe ed Paraiso? (Mat. 28:19, 20; 1 Ped. 2:21)

Anto so imbangat ed sikayo na salaysay na Biblia nipaakar ed matoor, matulok a Noe ed no panon kayo met a ‘makapanakar a kaibay Dios’ tan nawalaan na talek ed abilidad nen Jehova a mangiliktar ed saray totoo to natan?​—Gen. 7:1; Uli. 10:16; Heb. 11:7; 2 Ped. 2:9.