Saray Pakabat
◼ Opresin literatura ed Mayo: Sansakey iran kopya na Panag-Bantayan tan Awake! Sano papawilen iray interesadon totoo, pati saramay inmatendi ed Memoryal odino arum niran teokratikon pantitipon balet ta aliwa nin aktibon mililimog ed kongregasyon, iyapasakey ed pakapangigapo na saray panangiyaral ed Biblia ya usaren so libro ya Anto so Peteg ya Ibabangat na Biblia? Hunyo: Iyopresi so libron Manaral Manlapud Sankamaongan a Managbangat. No ibaga na saray indibidual ya anggapoy anak da, iyopresi so libron Liket ed Pamilya. Hulyo tan Agosto: Nayarin iyopresi so anggan dinan a brosyur.
◼ Say mangidadaulon manangasikaso odino siopaman a pabtangan to so nakaukolan a man-audit ed saray kuenta na kongregasyon no Hunyo 1 odino tampol kayari na satan no nayadyari. Sano agawaan la, iyanunsio itan ed kongregasyon kayarin nibasa so ontumbok a report na saray kuenta.
◼ Diad ontumbok a pigaran bulan ipawit mi ed sikayo iray porma ya usaren na kongregasyon yo legan na ontumbok a serbisyon taon. No wala niray arum a porma a kaukolanen yo, nayari yo irayan orderen a singa ed dati, diad pangusar ed Literature Request Form (S-14). Anggapoy bayar na saray ipawit a porma, balet maseguron labay na saray kongregasyon so mankontribusyon parad sankamundoan a kimey pian makatulong ed gastos ed panangimprinta tan panangipawit. Ipangasin imanoen a saray badge card parad 2006 iran Distriton Kombension et ilaktip la ed ipawit iran porma, kanian agla nakaukolan ya orderen iraya likud labat no kulang so impawit mi. Balet, kaukolan yon orderen iray plastik a panginay badge panamegley na Literature Request Form (S-14).
◼ Kaukolan na sangan opisina so pamasiansia na susto iran rekord na address tan numero na telepono na amin a mangidadaulon manangasikaso tan saray sekretaryo. No wala so pananguman, say Komite na Serbisyo na Kongregasyon so nepeg a mangompleto, manpirma, tan tampol a mangipawit ed porma a Presiding Overseer/Secretary Change of Address (S-29) ed sangan opisina. Laktipen na saya so dinanman iran pananguman ed saray area code na telepono.