Eskedyul ed Pantitipon Parad Panagserbi

Simba na Abril 10

Kanta 49

10 min: Lokal iran pakabat. Saray Pakabat a pinili manlapud Ministeryo Tayo ed Panarian. Usaren iray suhestion ed pahina 8 odino arum niran presentasyon a matukoy ed teritorya yo, idemostra no panon ya iyopresi so Abril 15 a Panag-Bantayan tan Abril ya Awake! Diad sakey a demostrasyon, iyopresi met na manangipalapag so libron Ibabangat na Biblia ed sakey ya unabung ya angipatnag na nikaduman interes ed mensahe na Biblia.

20 min: “Magmaliw a ‘Mapaga ed Saray Maabig a Gawa’ Legan na Abril.” Paliwawa na Manangasikaso na Serbisyo a pibiangan na saray dumerengel. Pasesegen iray kualipikadon iyaaralan na Biblia a mibiang legan na sayan espisyal a bulan na aktibidad. Saramay agni akibiang ed lawak na serbisyo so nepeg a tulongan tan pasesegen ta pian amin so makapibiang la antis a manampot so Abril.

15 min: “Kasin Nitukoy Yoy Eskedyul Yo?”a Iyaplika ed lokal so materyal. Salambiten so antokaman iran uksoyan na kongregasyon parad panagtasi ed labi.

Kanta 13 tan pansaran pikakasi.

Simba na Abril 17

Kanta 104

15 min: Lokal iran pakabat. Repasoen iray punto ed “Tepet.” Idanet so lokal iran uksoyan parad espisyal a paliwawa parad publiko. Pasesegen so amin a mantultuloy a mangusar ed beneg a pahina na Abril 1 a paway na Say Panag-Bantayan pian imbitaan iramay inmatendi ed Memoryal, iyaaralan na Biblia, tan arum ya interesadon totoo. Antikey ya isalaysay so duara odino taloran eksperiensya diad impangusar ed sayan paway na Say Panag-Bantayan pian imbitaan iray totoo ya onatendi ed espisyal a paliwawa parad publiko.

12 min: Lokal iran pankaukolan.

18 min: “Mangikondukta na Progresibo Iran Panangiyaral na Biblia Diad Puerta tan Panamegley na Telepono.”b Ilaktip so antikey a demostrasyon a mangipapanengneng no antoy ibaga na sakey a manangipalapag pian niyalis ed loob na abung so panagaral diad puerta.

Kanta 162 tan pansaran pikakasi.

Simba na Abril 24

Kanta 66

15 min: Lokal iran pakabat. Basaen iray report na kuenta tan naawat iran donasyon. Legan na Mayo et itultuloy tayon iparungtal so Say Panag-Bantayan tan Awake! Usaren iray suhestion ed pahina 8 odino arum niran presentasyon a matukoy ed teritorya yo, idemostra no panon ya iyopresi so Mayo 1 a Panag-Bantayan tan Mayo ya Awake! Kayari na demostrasyon, ipaimano niray arum ya artikulo ed saratan a paway a nayarin makapainteres ed totoo ed lokal a teritorya.

15 min: “No Panon a Pansiansiaen so Seseg.”c Mangilaktip na saray komento base ed Hunyo 15, 2002, a Panag-Bantayan, pahina 14, parapo 13.

15 min: Kasin Walaan Kayo na Maong ya Ugali ed Panagbasa? Singbaten a kaiba iray dumerengel base ed saray pinilin kabiangan na libron Eskuelaan Parad Ministeryo, pahina 22-6. Antoy kalaktip ed programa tayo ed panagbasa? (p. 21, kahon) Akin ya importante parad sikatayo a basaen iray publikasyon a nitarya? (p. 23, par. 2) Antoy tumbok ed pamasiansia ed maong a programa ed panagbasa? (p. 26, par. 3-4) Panon kayon mangigagana na panaon pian basaen iray magasin a Panag-Bantayan tan Awake!? Panon iyan angunggona ed sikayo?

Kanta 191 tan pansaran pikakasi.

Simba na Mayo 1

Kanta 211

10 min: Lokal iran pakabat. Panonotan iray manangipalapag ya iter da iray report da ed lawak na serbisyo parad Abril. Singbaten so kahon ed pahina 6, “Mantetepet Kayo Kasi No Wala ni Labay Toy Paiyaralan?” No iyabuloy ni na oras, imbitaan iray dumerengel a mankomento nipaakar ed saray panangiyaral na Biblia a nigapo ed sayan metodo.

15 min: “Ipatnag so Personal ya Interes​—Panamegley na Matukoy a Pimataan.”d Ilaktip so antikey a demostrasyon a say manangipalapag so mangileletneg na pimataan ed too diad publikon pasen, mangigapo na pitotongtong, tan insan mangiter na panagtasi.

20 min: Dalepdepen so Gawagawa nen Jehova. (Sal. 77:12) Paliwawa tan singbaten a kaiba iray dumerengel a mangipaparungtal ed 2006 Yearbook. Konsideraen so makapaseseg iran punto ed sulat na Mananguley ya Ulop. (p. 3-5) Singbaten so materyal ed silong na sub-titulon “Bible Translation.” (p. 10-11) Isalaysay so pigara ed saray pabitar tan eksperiensya manlapud apalabas a taon. (p. 6-64) Imbitaan iray dumerengel a mankomento ed saray punto a nanliketan da diad pambabasa ra’d 2006 Yearbook. Pasesegen so amin a mangusar ed satan pian tulongan iray estudyante na Biblia a bayuboan so pisasalamat ed organisasyon nen Jehova.

Kanta 82 tan pansaran pikakasi.

[Saray paimano ed leksab]