Eskedyul ed Pantitipon Parad Panagserbi

Simba na Pebrero 13

Kanta 121

10 min: Lokal iran pakabat. Diad pangusar ed saray suhestion ed pahina 8 odino arum niran presentasyon a matukoy ed teritorya yo, idemostra no panon ya iparungtal so Pebrero 15 a Panag-Bantayan tan say Pebrero ya Awake! Diad sakey a presentasyon, idemostra so pantasi ed publikon pasen.

10 min: Kasin Mibabansag Kayo ed Organisasyon nen Jehova? Paliwawa a nibase ed Organisadon Manggawa na Linawa nen Jehova, pahina 7-10.

25 min: “Ipaimano so ‘Silew na Mundo.’”a Betang na manangasikaso na serbisyo. Pasesegen so amin ya onatendi ed miting parad saray prospektibon auxiliary payunir no Simba, Pebrero 19. Ilaktip iray komento ed pangaligan iran eskedyul na auxiliary payunir ed pahina 5 na Pebrero 2005 ya insert na Ministeryo Tayo ed Panarian.

Kanta 224 tan pansaran pikakasi.

Simba na Pebrero 20

Kanta 89

10 min: Lokal iran pakabat. Saray Pakabat a pinili ed Ministeryo Tayo ed Panarian.

15 min: “Mamawala na Saray Pankanawnawan Manpulong.”b Kerewen ed sakey a manangipalapag a walaan na mairap iran sirkumstansya a mankomento ed no panon ton akapawala na saray pankanawnawan mantasi.

20 min: “Tulong a Mainomay a Naromog.”c Betang na sakey a matatken. Ilaktip iray antikey a komento ed “Tepet” ed Nobyembre 1998 tan Nobyembre 2000 iran paway na Ministeryo Tayo ed Panarian.

Kanta 1 tan pansaran pikakasi.

Simba na Pebrero 27

Kanta 20

10 min: Lokal iran pakabat. Basaen so report na kuenta tan saray naawat a donasyon. Panonotan iray manangipalapag ya iter da laray report da ed lawak na serbisyo parad Pebrero. Diad pangusar ed saray suhestion ed pahina 8 odino arum niran presentasyon a matukoy ed teritorya yo, idemostra no panon ya ipresenta so balanglan Marso 1 a Panag-Bantayan odino Marso ya Awake!

10 min: Lokal iran pankaukolan.

25 min: No Panon ya Iyopresi so Libron Ibabangat na Biblia. Legan na Marso et iyopresi tayoy balon libro. Usaren iray suhestion ed Enero 2006 ya insert na Ministeryo Tayo ed Panarian, pahina 3-6, repasoen tan idemostra so pigaran presentasyon a matukoy ed lokal a teritorya. Pasesegen so dumerengel a mangisalaysay ed alay abig iran eksperiensya a nanggayagaan da diad impangusar day balon libro, nagkalautla ed nigapo iran panangiyaral na Biblia.

Kanta 148 tan pansaran pikakasi.

Simba na Marso 6

Kanta 51

10 min: Lokal iran pakabat. Lapud saray tract et mainomay ya awiten tan marakdakep, saratan so mausar ed pangigapo na tongtongan sano mibibiang ed panagkabkaabungan a ministeryo, sano manpupulong ed publiko iran pasen, tan sano mantatasi ya impormal. Idemostra no panon so pangigapo na tongtongan ya usaren so balon tract a Magano lan Manampot so Amin a Kairapan! Ipabitar so sakey ed inaon iran teksto ed pahina 2 na tract.

15 min: “Ipatnag so Personal ya Interes​—Diad Pagmaliw ya Akaparaan.”d Ilaktip so antikey a demostrasyon a mangipapanengneng ed duaran manangipalapag a manpaparaan a mangiyopresi ed libron Ibabangat na Biblia. Mamili ira na sakey a presentasyon manlapud insert na Enero 2006 a Ministeryo Tayo ed Panarian tan singbaten da no panon dan ibalikas itan ed dilin salita ra tan itukoy itan ed lokal a teritorya. Manampot so demostrasyon sano kuan da lan ipasal so presentasyon a saniba.

20 min: “Mangusar na Saray Nanengneng a Katulongan ed Panagbangat.”e Legan yon sisingbaten so kada video ya asalambit ed artikulo, ipanengneng so apis tan basaen so antikey a komento a manideskribe ed lugan na video. Paisalaysay ed saray dumerengel iray eksperiensya ra diad impangusar da ed saray video ed ministeryo ra.​—Nengnengen so 1997 Yearbook, p. 54, tan say 1995 Yearbook, p. 50-1.

Kanta 68 tan pansaran pikakasi.

[Saray paimano ed leksab]