Eskedyul ed Pantitipon Parad Panagserbi

PAIMANO: Sakey odino duaran bulan kayari inyatendi na kongregasyon ed “Maridios a Katutulok” a Distriton Kombension, mangigana na 15 anggad 20 minuto ed Pantitipon Parad Panagserbi (nayarin usaren so parte parad lokal iran pankaukolan) parad panrepaso ed saray punto ed kombension.​—Nengnengen so Oktubre 2005 a Ministeryo Tayo ed Panarian, p. 2.

Simba na Enero 9

Kanta 10

10 min: Lokal iran pakabat. Diad pangusar ed saray suhestion ed pahina 8, idemostra no panon ya ipresenta so Enero 15 a Panag-Bantayan tan say Enero ya Awake!

15 min: “Say Libron Ibabangat na Biblia​—Manunan Katulongan Tayo ed Panagaral na Biblia.”a Betang na manangasikaso na serbisyo.

20 min: “No Panon so Pangigapo na Saray Panangiyaral ed Libron Ibabangat na Biblia.” Singbaten a pibiangan na saray dumerengel tekep na saray demostrasyon base ed pahina 3 na insert. Iyuksoy so taloran demostrasyon ya ipapanengneng no panon ya usaren so (1) pahina 4-5, (2) pahina 6, tan (3) say unonan parapo ed pahina 7, pian igapo so panangiyaral na Biblia sano ompawil. Sampotan so kada demostrasyon diad pangiyuksoy na manangipalapag ed ontumbok ya ibisita.

Kanta 125 tan pansaran pikakasi.

Simba na Enero 16

Kanta 178

10 min: Lokal iran pakabat. Saray Pakabat a pinili manlapud Ministeryo Tayo ed Panarian. Pasesegen so amin a manbantay ed video a Transfusion-Alternative Health Care​—Meeting Patient Needs and Rights bilang preparasyon ed paningbat a gawaen ed duaran simba diad Pantitipon Parad Panagserbi.

15 min: Orgasinadon Manggawa na Linawa nen Jehova. Paliwawa tan ipibiang iray dumerengel diad paningbat a nibase ed pahina 4-7 na Organisadon Manggawa na Linawa nen Jehova. Kayari na kulang a taloran minuton introduksion a nibase ed pahina 4, ikondukta so paningbat ed pahina 5 anggad sub-titulo ed pahina 7 ya ipibiang iray dumerengel. Singbaten so kaaruman nin kabiangan na libron Organisado diad ontumbok iran Pantitipon Parad Panagserbi.

20 min: “Saray Kalangweran a Mansinag a Singa Silesilew.”b Paisalaysay ed saray kalangweran no panon iran akapantasi diad eskuelaan.

Kanta 107 tan pansaran pikakasi.

Simba na Enero 23

Kanta 60

10 min: Lokal iran pakabat. Basaen iray report na kuenta tan saray naawat a donasyon. Diad pangusar ed saray suhestion ed pahina 8, idemostra no panon ya iparungtal so Pebrero 1 a Panag-Bantayan tan say Pebrero ya Awake!

15 min: Lokal iran pankaukolan.

20 min: “Ipatnag so Personal ya Interes​—Diad Pantepet tan Pandengel.”c Sano sisingbaten so parapo 2, tepetan iray dumerengel no antoran tepet so naimano ran epektibo ed pangigapo na saray tongtongan. Idemostra no panon ya amtaen so panmoria na too diad pangusar na mataktika iran tepet tan italineng a maong.

Kantan 205 tan pansaran pikakasi.

Simba na Enero 30

Kanta 197

10 min: Lokal iran pakabat. Salambiten so opresin literatura ed Pebrero, tan mangidemostra na sakey a presentasyon.

15 min: Paliwawa na sakey a matatken ed teman “Kasin Nipasal a Maong so Konsiensiam?,” base ed artikulo na Panag-Bantayan ed Oktubre 1, 2005 a paway, pahina 12-15.

20 min: “Video a Mangipapabitar ed Importantin Paraan na Peles a Panagtambal.” Basaen so Gawa 15:28, 29, tan ipurek a say manunan rason no akin ya agmanpapasaksak na dala iray Kristiano et lapud rerespetoen da so ganggan na Dios ed inkasagrado na dala. Insan singbaten so video a Patient Needs and Rights, ya usaren iray tepet ed artikulo. Sampotan diad pamasa ed unor a parapo. (Paimano: No anggapoy anggan sakey ed kongregasyon a walaan na sayan video, mangiter so sakey a matatken na paliwawa a nibase ed Panag-Bantayan na Hunyo 15, 2004, pahina 29-31.)

Kanta 45 tan pansaran pikakasi.

Simba na Pebrero 6

Kanta 74

10 min: Lokal iran pakabat.

25 min: Kabisadoen so Balon Uusaren Tayo ed Panagbangat. Paliwawa tan singbaten ya ipibiang iray dumerengel. Pakomentoan ed saray dumerengel iray kabiangan na libron Ibabangat na Biblia a labalabay da, a singa saray manangigapon tepet tan kahon parad repaso a mangipapabitar ed manuna iran punto na kada kapitulo (p. 106, 114), saray visual aid (p. 122-3, 147, 198), tan apendise (p. 197, par. 1-2). Say paraan na impaningbat na libro et maligsa tan makapasagyat (p. 12, par. 12). Mangiiter itan na simpli tan malinew ya eksplinasyon (p. 58, par. 5) tan manguusar na epektibo iran panangiyalimbawa (p. 159, par. 12). Say paunan salita so adesinyo pian ontulong ed sikatayon makapangigapo na saray panangiyaral na Biblia (p. 3-7). Idemostra no panon ya usaren so kahon ed pahina 7 ed balon iyaaralan na Biblia.

10 min: Pakagamoran na Bendisyon so Panag-auxiliary Payunir. (Uli. 10:22) Paisalaysay ed saramay nanlingkor bilang auxiliary payunir nen imbeneg a tiagew iray naeksperiensya ran liket bilang resulta. Pasesegen so amin a konsideraen da tekep na saray pikakasi no kasin makapan-auxiliary payunir ira legan na Marso, Abril, tan Mayo.

Kanta 16 tan pansaran pikakasi.

[Saray paimano ed leksab]