Saray Pakabat

◼ Opresin literatura ed Oktubre: Iyopresi so sansakey a kopya na Say Panag-Bantayan tan Awake! No walay angipanengneng na interes, ipangasin iparungtal so brosyur a Kakaukolanen. Nobyembre: Iyopresi so libro a Manaral Manlapud Sankamaongan a Managbangat. No ibaga na saray unabung ya anggapoy angkelag ya ananak da, iyopresi so libron Pikakabat odino say tract a Labay Moy Makaaral nin Maong Diad Biblia? Disyembre: Anggan dinan ed sarayan libro so nayarin iyopresi: The Greatest Man Who Ever Lived, The Bible​—God’s Word or Man’s, My Book of Bible Stories, odino Makapambilay Kayo na Ando lan Ando ed Paraiso Diad Dalin. Enero: Anggan dinan a libron impalapag antis na 1991 a wala ni suplay na kongregasyon so nayarin iyopresi. Saray kongregasyon ya andian na saray daan a libro so nayarin mangipresenta ed brosyur a Mantultuloy a Manbantay!, a na-order ed sangan opisina.

◼ Nayari la natan ya ipawit ed sangan opisina iray order parad 2006 Yearbook. Walay impawit min Yearbook Order Blank ya akatekep ed monthly statement yo ed Agosto parad sayan gagala. Kaukolan a sulatan iya na saray mangaasikaso tan lingkor ed literatura insan da ipawil so orihinal a kopya ed sangan opisina ya ag-onlampas ed Nobyembre 15, 2005.

◼ Sakey a kompleton programa na distriton kombension parad saray telek tan emel so iyuksoy no Nobyembre 4-6, 2005 diad Quezon City. Saray kongregasyon tan grupo a sign language so pakabatan diad saginonor nipaakar ed eksakton pasen na sayan programa. Siopaman a telek tan emel a makatalos na sign language tan malabay a nagunggonaan ed programa so kaukolan ya onatendi, lapud anggapo lay programa parad telek tan emel diad arum iran kombension.