Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Oktubre 31, 2005. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Setyembre 5 ya anggad Oktubre 31, 2005. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
KALIDAD ED PANAGSALITA
1. Panon tayon naseguro ya ontatanek ed piguratibon puso na totoo so ibabangat tayo manlapud Salita na Dios? (Mat. 13:19) [be p. 258 par. 1-2, kahon]
2. Anto so makatulong ed sikatayo pian nibesngaw na sakey so walad puso to, balet anto so nepeg tayon alwaran? [be p. 259 par. 1-2]
3. Sano manbabangat itayo, akin ya importantin idanet iray makapadinayew a kalidad nen Jehova? [be p. 260 par. 1]
4. Panon tayon natulongan iray iyaaralan tayo na Biblia a manebek no dinan iran aspekto so papaaligwasen da? [be p. 260 par. 4-5]
5. Anto so nagawaan tayo pian natulongan iray iyaaralan tayo na Biblia odino dumerengel tayo a manganalisa ed saray motibo ra diad impanggawa ed saray bengatla? [be p. 262 par. 1-2]
ASAINMIN NO. 1
6. Anto so kabaliksan na ‘[masimoon] a pananap’ ed si Jehova, tan panon tayon nipatnag a gagawaen tayo iya? (Heb. 11:6) [w03 8/15-E p. 25 par. 2; p. 26 par. 1-2; p. 27 par. 2]
7. Anto so “uliran na saray maabig a salita,” tan panon a nipatnag na saray mamatatken a panggugunaetan dan sumpalen itan? (2 Tim. 1:13, 14) [w03 1/1 p. 29 par. 3–p. 30 par. 1]
8. Anto so kabaliksan na terminon “kanon na Biblia,” tan antoray pigaran aspekto a manetermina no kasin makanepegan ya ilaktip so sakey a libro ed kanon na Biblia? [si-E p. 299 par. 5-6]
9. Akin ya importante iray pigpignis ya adiskobre nen Muratori (Muratorian Fragment), a nanlapu ni’d kasampotan na komaduan siglo K.P., pian pekderan a kabiangan ed kanon na Biblia so Kristianon Griegon Kasulatan? [si-E p. 302 par. 19]
10. Anton autorisasyon so iiter na mismon Kasulatan parad kipatalos na Biblia, tan anto so inkikanaan na kadaanan iran patalos na Biblia? [si-E p. 307 par. 9]
SINIMBAN BABASAEN ED BIBLIA
11. Kasin susuportaan na 2 Arari 13:21 so sisiaen a panangigalang ed saray relihyoson reliko?
12. Kasin akialyado si Ezekias ed Ehipto? (2 Ara. 18:19-21, 25)
13. Anggaman ag-espisipikon sinalambit na saray kuritan na Asiryano so makapadinayew ya impanalo nen Jehova ed si Senakerib, anto so aromog yon makapainteres ed akasulat ed saratan a rekord? (2 Ara. 19:35, 36)
14. Siopa so ama nen Sealtiel? (1 Awa. 3:16-18)
15. Diad samay panaon nen Arin Saul, panon ya angiletneg na maabig ya ehemplo iray Rubenita, Gadita, tan kapalduan tribu na Manases parad amin a lingkor na Dios natan? (1 Awa. 5:18-22)