Eskedyul ed Pantitipon Parad Panagserbi

Simba na Hulyo 11

Kanta 49

10 min: Lokal iran pakabat. Saray Pakabat a pinili ed Ministeryo Tayo ed Panarian. Usaren iray suhestion ed pahina 4 (no matukoy ed teritorya yo) pian idemostra no panon ya ipresenta so Hulyo 15 a Panag-Bantayan tan say Hulyo 22 ya Awake! Nayari met ya usaren so arum niran presentasyon. Diad kada demostrasyon, mangiparungtal na nandumaan a paraan na pangebat ed manamaer na tongtongan ya “Agta kayo naarap.”​—Nengnengen so libron Reasoning, p. 19-20.

15 min: Lokal iran pankaukolan.

20 min: “Ipasabi so Maong a Balita ed Dakel nin Totoo Anggad Posible.”a Sano sisingbaten so parapo 5, repasoen iray suhestion ya onaplika ed lokal a teritorya a naromog ed Hunyo 2005 a Ministeryo Tayo ed Panarian, pahina 8.

Kanta 88 tan pansaran pikakasi.

Simba na Hulyo 18

Kanta 173

10 min: Lokal iran pakabat. Singbaten ed antikey so pahina 32 na Agosto 15, 2000 a Panag-Bantayan. Ipabitar iray gunggona ed pamasiansia na regular a programa ed panagbasa na Biblia, anggan sano manbabakasyon tan sano nauman so rotina tayo.

15 min: “Pangikondukta na Progresibo Iran Panangiyaral na Biblia​—Parte 10.”b Mangilaktip na demostrasyon a mangipaparungtal na peles a sesyon na panagpasal. Legan ya ipapasal na iyaaralan so presentasyon, say manangikondukta, ya onaakto bilang unabung, so mangiparungtal na kaslakan ya isusuppiat tan, sanen agla segurado so iyaaralan ed iyebat to, ipaliwawa na manangikondukta no panon so pangarap ed satan. Niarum ni, iyuksoy lan masakbay so pankomento na sakey odino duara nipaakar ed inkipasal da sanen ginmapo iran mibiang ed panagkabkaabungan a ministeryo.

20 min: Tulongan so Arum a Pablien so Biblia. Tepet-tan-ebat a diskusyon base ed libron Dayewen so Dios, pahina 24-5, parapo 3-6. Usaren iray tepetepet ed panagaral a nitarya ed libro. Ilaktip iray komento ed brosyur a Libron Parad Amin a Totoo, pahina 32.

Kanta 10 tan pansaran pikakasi.

Simba na Hulyo 25

Kanta 138

15 min: Lokal iran pakabat. Ibasa iray report na kuenta tan saray naawat a donasyon. Diad pangusar ed saray suhestion ed pahina 4 (no matukoy ed teritorya yo), idemostra no panon so pangiparungtal ed Agosto 1 a Panag-Bantayan tan Agosto 8 ya Awake! Nayari met ya usaren so arum niran presentasyon. Diad sakey ed saray presentasyon, idemostra ya iyoopresi iray magasin ed impormal a paraan diad tindaan odino ed matukoy a publikon pasen.

10 min: Ipaslep so Katuaan ed Puso na Anak Yo. (Deu. 6:7) Paliwawa na sakey a matatken base ed Agosto 15, 2002 a Panag-Bantayan, pahina 30-1. Ipabitar iray Makasulatan a prinsipyo a mangitatarya na giya parad panangipasal ed anak na Kristianon ateng ya aliwan Tasi so asawa to.

20 min: “Utang a Nepeg Tayon Bayaran ed Arum.”c Ilaktip iray komento ed Hulyo 1, 2000 a Panag-Bantayan, pahina 11, parapo 13.

Kanta 82 tan pansaran pikakasi.

Simba na Agosto 1

Kanta 187

15 min: Lokal iran pakabat. Panonotan iray manangipalapag ya ireport da la iray serbisyo ra ed lawak parad Hulyo. Paibukay ed dumerengel so pahina 70 na libron Eskuelaan Parad Ministeryo, tan panamegley na pibiang na saray dumerengel, konsideraen so parapo 1-2 tan say kahon ed “No Panon so Pankomento ed Saray Miting.”

15 min: “Tulongan Iray Anak Yon Onaligwas ed Ministeryo.” Paliwawa tan mibiang iray dumerengel. Mangilaktip na demostrasyon na san-ateng a mangusar na pinasimplin presentasyon. Sampotan na ateng so demostrasyon diad antikey a pangipaliwawa ed uksoyan ed panagdonasyon.

15 min: Nausar Yo ta la Iray Nitukoy-tukoy a Metodo? Paliwawa a mibiang iray dumerengel base ed Enero 2005 a Ministeryo Tayo ed Panarian, pahina 6. Repasoen iray intaryan suhestion, tan ipanengneng no panon a nausar so nitukoy-tukoy a metodo ed opresin literatura parad Agosto. Paidemostra so sakey odino duaran presentasyon.

Kanta 218 tan pansaran pikakasi.

[Saray paimano ed leksab]