Eskedyu ed Pantitipon Parad Panagserbi

Simba na Mayo 9

Kanta 217

10 min: Lokal iran pakabat. Saray Pakabat a pinili manlapud Ministeryo Tayo ed Panarian. Usaren so suhestion ed pahina 8 pian idemostra no panon ya iyopresi so Mayo 15 a Panag-Bantayan tan Mayo 22 ya Awake! Diad sakey ed saray presentasyon, idemostra ya iyoopresi iray magasin ed impormal a paraan diad luluganan parad publiko.

15 min: Usaren so Salitay Dios Pian Nasabi so Puso. Paliwawa a base ed Pebrero 1, 2005 a Panag-Bantayan, pahina 28-31. Ipaliwawa no panon ya inusar nen Jesus so Kasulatan pian tulongan si Pedro. Ipaliwawa met no panon tayon naalig so ehemplo nen Jesus sano kaukolan so pananguman ed panagnonot tan liknaan na ananak tayo, iyaaralan tayoy Biblia, tan anggan sikatayon mismo.

20 min: “Manggawa na Praktikal ya Eskedyul na Pamilya.” Diad introduksion a kulang a duaran minuto, ipabitar so kaimportantian na nisulat ya eskedyul tan no panon a sulatan so blankon eskedyul ed pahina 6. Tumbokan na tepet-tan-ebat a diskusyon ed artikulon “Eskedyul na Pamilya​—Saray Pantitipon na Kongregasyon.” Imbitaan iray dumerengel a mankomento no panon dan napansiasiansia ya agnasasaletan na arum ya aktibidades iray pantitipon na kongregasyon. Saray kaaruman nin aspekto na eskedyul na pamilya et singbaten ed ontumbok iran simba.

Kanta 176 tan pansaran pikakasi.

Simba na Mayo 16

Kanta 201

10 min: Lokal iran pakabat.

15 min: “Eskedyul na Pamilya​—Kapapaway na Pamilya ed Lawak.”a Imbitaan iray dumerengel a mankomento nipaakar ed saray gunggona na regular a kapapaway ed ministeryo bilang pamilya.

20 min: “Pangikondukta na Progresibo Iran Panangiyaral na Biblia​—Parte 8.”b Mangilaktip na antikey a demostrasyon ya iikdan na manangipalapag so balon iyaaralan na Biblia na brosyur a Jehovah’s Witnesses​—Who Are They? What Do They Believe? Ipaimano na manangipalapag so litrato ed pahina 20 na brosyur tan deskribien to ed antikey so Pantitipon Parad Publiko. Ibaga toy tema na paliwawa parad publiko tan imbitaan toy iyaaralan ya onatendi.

Kanta 134 tan pansaran pikakasi.

Simba na Mayo 23

Kanta 194

12 min: Lokal iran pakabat. Ibasa so report na kuenta tan pisasalamat ed saray naawat a donasyon. Diad pangusar ed saray suhestion ed pahina 8, idemostra no panon ya ipresenta so Hunyo 1 a Panag-Bantayan tan Hunyo 8 ya Awake!

18 min: “Asingger la so Agew nen Jehova.”c Sano ipaparaan iyan parte, nengnengen so Tomo I na Propesiya nen Daniel, Kapitulo 4, parapo 28.

15 min: “Eskedyul na Pamilya​—Say Panagaral na Pamilya.”d Iyuksoy lan masakbay so pankomento na sakey odino duara no panon dan iyeeskedyul so panagaral na pamilya ra tan no antoy nakaukolan a gawaen pian napansiansia itan a regular.

Kanta 152 tan pansaran pikakasi.

Simba na Mayo 30

Kanta 190

10 min: Lokal iran pakabat. Panonotan iray manangipalapag ya ireport da la ray serbisyo ra ed lawak parad bulan na Mayo. Salambiten so opresin literatura ed Hunyo. Idemostra no panon itan ya iyopresi diad pangusar ed sakey odino duara ed saray nisuherin presentasyon ed insert na Enero 2005 a Ministeryo Tayo ed Panarian.

20 min: “Eskedyul na Pamilya​—Say Inagew-agew a Panagteksto.”e Imbitaan iray dumerengel a mankomento ed no panon a nagugunggonaan so pamilya ra ed saniiban panangonsidera ed inagew-agew a teksto tan no antoy praktikal ed sikaran eskedyul parad satan.

15 min: Paisalaysay odino paiyakto lamet iray naeksperiensya ed lawak na kimeyan legay Marso, Abril, tan Mayo. Iyuksoy lan masakbay so pankomento na sakey odino duara nipaakar ed impansagpot da pian napadaak so pibibiang da ed ministeryo legay panaon na Memoryal tan saray nanggayagaan dan bendisyon na satan.

Kanta 115 tan pansaran pikakasi.

Simba na Hunyo 6

Kanta 155

10 min: Lokal iran pakabat.

15 min: Lokal iran pankaukolan.

20 min: “Bayuboan so Interes Panamegley na Rota na Magasin.”f Sano sisingbaten so parapo 3, ipaimano so libron Reasoning, pahina 227-32. Sayan materyal so nayarin usaren ed pamparaan na manggegendanan a pangitongtong na sakey a teksto nipaakar ed gawaen na Panariay Dios. Mangilaktip na demostrasyon ed no panon a nitongtong na manangipalapag so sakey a teksto ed rota to na magasin. Singbaten tan iyilustra na manangipalapag ed antikey so aplikasyon na teksto pian natalosan a maong na unabung tan natebek toy kakanaan na satan ed bilay to.

Kanta 107 tan pansaran pikakasi.

[Saray paimano ed leksab]