Eskedyul ed Pantitipon ed Panagserbi

Simba na Hulyo 12

Kanta 108

12 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Diad pangusar ed saray suhestion ed pahina 4, idemostra no panon ya iparungtal so Hulyo 15 a Panag-Bantayan tan Hulyo 22 ya Awake! Diad sakey ed saray presentasyon, idemostra so pangiyopresi na magasin ed sakey a nabet ed karsada ya agmakapansalita na lenguahe yo.

18 min: “Aligen so Inkahustisya nen Jehova.”a Anggad iyabuloy na oras, pakomentoan ed saray dumerengel iray nisitan teksto.

15 min: Say Biblia​—Libro na Napanmatalkan Iran Prediksion. Paliwawa tan singbaten a kaiba iray dumerengel base ed brosyur a Libron Parad Amin a Totoo, pahina 27-9. Diad ministeryo tayo, mabetbet itayon makakaromog na totoo ya interesado ed arapen. Say Biblia so mangitatarya na napanmatalkan ya impormasyon a mangidadatak ed maliket ya arapen parad matulok a katooan. Singbaten so pigaran propesiya ed Biblia a mamabiskeg na kompiyansa ed saray prediksion na Biblia ed arapen. Antikey labat a paidemostra ed sakey a manangipalapag no panon a saray ebento ed Biblia so nausar pian tulongan so interesadon too a napabiskeg so kompiyansa to ed Biblia.

Kanta 16 tan pansaran pikakasi.

Simba na Hulyo 19

Kanta 83

10 min: Lokal iran pakabat. Singbaten so kakanaan na pamasiansia ed regular a programa na inagew-agew a panagbasa na Biblia. Ilaktip iray komento ed Agosto 15, 2000, a Panag-Bantayan, pahina 32.

15 min: Lokal iran pankaukolan.

20 min: “Pangikondukta na Progresibo Iran Panagaral na Biblia​—Parte 1”. Paliwawa na manangasikasoy serbisyo. Pakomentoan ed saray dumerengel so pahina 572-4 na libron Proclaimers, a manideskribe ed awaran na kimey a panagaral na Biblia diad modernon panaon. Sagyaten iran mantalaran ed ontumbok a serye na saray artikulo. Kabiangan ed saray tema a singbaten so, no panon ya iparaan so pangikondukta na panagaral, no panon a tulongan so estudyante a manparaan, no kaunongan so kobrian a materyal, no panon ya epektibon usaren iray teksto, no panon ya ebatan iray tepet na estudyante, no panon ya iparungtal so panagpikasi, tan no panon ya iwanwan so estudyante ed organisasyon. Pasesegen so amin ya iyaplika iray suhestion ya intarya tan iyatol irayan artikulo pian tuplegan ed arapen.

Kanta 10 tan pansaran pikakasi.

Simba na Hulyo 26

Kanta 216

12 min: Lokal iran pakabat. Report na kuenta. Panonotan iray manangipalapag ya iter da la iray report da parad Hulyo. Diad pangusar ed saray suhestion ed pahina 4, idemostra no panon ya iparungtal so Agosto 1 a Panag-Bantayan tan Agosto 8 ya Awake! Diad balang kipapasen, iparungtal so nandumaan a paraan no panon so iyebat ed manamaer na tongtongan ya “Akin a mabetbet kayon ondadalaw?”​—Nengnengen so libron Reasoning, pahina 20.

8 min: “Tepet.” Betang na sakey a matatken. Basaen tan singbaten so interon artikulo.

25 min: “No Panon so Pampulong ed Teritorya a Lugar na Saray Negosyo.”b Salambiten so lokal iran uksoyan diad pankimey ed lugar na saray negosyo. Antikey ya idemostra so duaran presentasyon ed parapo 4-5 odino say sananey a presentasyon ya epektibo ed lugar yo. Anggad iyabuloy na oras, paisalaysay ed saray dumerengel so makapaseseg iran eksperiensya ra diad impankimey ed teritorya a lugar na saray negosyo.

Kanta 173 tan pansaran pikakasi.

Simba na Agosto 2

Kanta 60

8 min: Lokal iran pakabat.

22 min: Kasin Mangiiter Kayo na Saray Rason? Paliwawa tan diskusyon base ed libron Eskuelaan Parad Ministeryo, pahina 254, parapo 1-2. Sano ipaliwawa tan iyaplika tayo iray kasulatan diad lawak na ministeryo tan diad plataporma, mas epektibo so panagbangat tayo no idalatdat tayo iray rason ed ibabaga tayo imbes a basta ipilit a talagan ontan itan. Say pangusar ed saray alimbawa manlapud libron Reasoning odino arum a publikasyon a matukoy ed lokal a teritorya, so mangipanengneng no panon a (1) pilien tan ipaliwawa iray manunan balikas diad teksto ed kasulatan, (2) iparungtal so manuportan ebidensya manlapud konteksto odino ed sananey nin teksto a manisingbat ed suheto, (3) usaren so ilustrasyon pian iparungtal so inkamakatunongan na imbaga yo, tan (4) usaren so tepetepet pian tulongan so dumerengel a mankatunongan ed pamaakaran. Idanet iray gunggona ed pangusar na panagkatunongan.

15 min: Paliwawa na sakey a matatken base ed artikulon “Kasin Sika so Mangiyaapasakey ed Tumang?” diad Abril 1, 2004, ya isyu na Say Panag-Bantayan, pahina 20-3.

Kanta 32 tan pansaran pikakasi.

[Saray paimano ed leksab]