Eskedyul ed Pantitipon ed Panagserbi

Simba na Abril 12

Kanta 93

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Diad pangusar ed saray suhestion ed pahina 4, idemostra no panon ya iparungtal so Abril 15 a Panag-Bantayan tan Abril 22 ya Awake! Diad balang kipapasen et nepeg a nantekep ya iyopresi iray magasin, anggaman sakey lambengat so iparungtal. Diad kada demostrasyon, ipanengneng so nandumaan a paraan no panon a napidenengan iray manamatunday tongtongan ya “Okupado ak.”​—Nengnengen so libron Reasoning, pahina 19-20.

15 min: “Iyapay ed si Jehova so Sankaabigan Tayo.”a Sano sisingbaten so parapo 4, pankomentoen iray dumerengel nipaakar ed saray espisipikon paraan a nipatnag tayo so panangaro ed totoo sano susumpalen so ministeryo tayo.

20 min: Saray Payunir so Ontutulong ed Arum. Paliwawa tan interbio ya idaulo na manangasikaso na serbisyo. Repasoen so programan Pioneers Assist Others unong a nidatak ed Setyembre 1998 a Ministeryo Tayo ed Panarian, pahina 4. Isalaysay iray positibon bengatla a nagagawaan ed lugar yo. Interbioen so sakey a payunir ya akatulong ed arum tan say manangipalapag ya atulongan. Ipanengneng no panon a sikaran dua so agunggonaan diad impaniba ra ed ministeryo. Imbitaan so arum ya anamoten iyan probisyon diad ontumbok iran bulan.

Kanta 91 tan pansaran pikakasi.

Simba na Abril 19

Kanta 55

8 min: Lokal iran pakabat.

17 min: “Aligen so Awawey na Kanonotan nen Jesus.”b Usaren so nitaryan tepetepet. Sano sisingbaten so parapo 4, pankomentoen iramay manu-auxiliary payunir nipaakar ed saray gunggonan naawat da bilang resulta na impanggawa ra ed satan.

20 min: “Kasin Kaukolan Mon Naynay so Ganggan na Biblia?” Paliwawa na sakey a matatken base ed artikulo ed Panag-Bantayan a Disyembre 1, 2003, pahina 20-3.

Kanta 80 tan pansaran pikakasi.

Simba na Abril 26

Kanta 46

12 min: Lokal iran pakabat. Report na saray kuenta. Panonotan iray manangipalapag ya iter la iray report da ed lawak na kimeyan parad Abril. Salambiten so opresin literatura ed Mayo. Diad pangusar ed saray suhestion ed pahina 4, idemostra no panon ya iparungtal so Mayo 1 a Panag-Bantayan tan Mayo 8 ya Awake! Diad balang kipapasen et nepeg a nantekep ya iyopresi iray magasin, anggaman sakey lambengat so iparungtal. Diad sakey ed saray presentasyon, idemostra so panagpulong ed sakey a katrabahoan odino kaeskuelaan.

15 min: Lokal iran pankaukolan.

18 min: Sikayoran Tobonbalo​—Magmaliw a Makatebek ed Panangiplano’d Edukasyon Yo. Itongtong na matatken ed pigaran atateng tan saray tobonbalon ananak da so nipaakar ed suplementaryon edukasyon. Isingbat na saray mamatatken ed sikara so Setyembre 1, 1999, a Panag-Bantayan, pahina 16-17, parapo 11-13, ya idanet iray rason no akin a say sigpot-panaon a ministeryo so nepeg a manunaan ed listaan na saray prayuridad da. (Disyembre 1, 1996, a Panag-Bantayan, pahina 18-19, parapo 13-15) Insan la repasoen na grupo so simbawa ed Marso 8, 1998, ya Awake!, pahina 20-1, ya idanet so pankaukolan a panbalanse ed saray gunggona tan disbentaha na suplementaryon edukasyon tan iyapasakey ed no anto so nakaukolan pian nasuportaan na sakey so inkasikato legan a maseseg a manusumpal ed ministeryo to. Amin so mipakna a nakaukolan iran paiwanwan ed simbawa nen Jesus ya iyuna so intereses na Panarian.​—Mat. 6:33.

Kanta 38 tan pansaran pikakasi.

Simba na Mayo 3

Kanta 48

10 min: Lokal iran pakabat. No walay teritorya na kongregasyon a matalag a nakikimeyan, iyanunsio no antoray gagawaen ya uksoyan pian sigpot a nakobrian itan legan a marakep ni so tiempo. No manbabakasyon odino manbiabiahe itayo, nakaukolan so maseet a panagplano pian agnapaulyanan so panagaral na pamilya, saray miting ed kongregasyon, tan panagpulong. (Uli. 21:5) Panonotan so amin ya iter iray report da ed lawak na kimeyan, balanglan manbakasyon ira ed arum a lugar odino andi.

15 min: “Sikayoran Kalangweran​—Basa Yo so Salita na Dios!”c Masakbay lan iyarunsa so pankomento na sakey odino duaran kalangweran nipaakar ed programa dan panagbasa na Biblia tan no panon iran nagugunggonaan ed satan. Pasesegen iray kalangweran a gawaen dan kalat so pambasa ed interon Biblia. Ilaktip iray komento ed libron Eskuelaan Parad Ministeryo, pahina 10, parapo 4.

20 min: ‘Mibakal ed Maabig a Pibabakal na Pananisia.’ Paliwawa na sakey a matatken base ed artikulo na Pebrero 15, 2004, a Panag-Bantayan, pahina 26-30.

Kanta 164 tan pansaran pikakasi.

[Saray paimano ed leksab]