Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Abril 26, 2004. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Marso 1 ya anggad Abril 26, 2004. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Sano manpapaliwawa itayo, akin a mas maabig so mansalita manlapud outline imbes a basaen manlapud manuskrito? [be p. 166 par. 3]
2. Diad pamparaan parad lawak na kimeyan, panon tayon naorganisa iray punto tayo diad sakey ya impatlep ya outline? [be p. 167 par. 3]
3. Diad pangusar ed Gawa 13:16-41 tan Gawa 17:2, 3, ipaliwawa no panon a “makatunongan a pinaneknekan [nen Pablo] a si Jesus so Kristo.” (Gawa 9:22, NW) [be p. 170 par. 2]
4. Antoray pigaran bentaha na ekstemporanyon panagpaliwawa? [be p. 175 par. 1-4]
5. Antoray nayarin kapeligroan diad ekstemporanyon panagsalita, tan anto so makatulong pian napaliisan tayo iratan? [be p. 175 par. 5–p. 176 par. 3]
ASAINMIN NU. 1
6. Unong ed salaysay diad Genesis 32:24-32, anto so ginawa na 97-años a si Jacob pian nagamoran to so panamendisyon nen Jehova, tan anto so ibabangat na saya ed sikatayo? [w02 8/1 p. 29-31]
7. Anto so “abilidad a mannonot,” tan panon a satan so mangamper ed sikatayo manlapud pakaandi na inkasimbang tan agnakaukolan a pakasakitan? (Uli. 1:4, NW) [w02-E 8/15 p. 21-2]
8. Panon a nausar na saray managpaliwawa ed publiko so Kasulatan bilang basiyan na paliwawa ra? [be p. 52 par. 6–p. 53 par. 5]
9. Pian say outline na paliwawa et magmaliw a maiyan ya eksplinasyon na Kasulatan, antoray nepeg a desidien na espiker? [be p. 54 par. 2-4]
10. Akin a sinimba-simba tan binulan-bulan a pinakan nen Jehova na mana iray Israelita diad kalawakan, tan anto so naaralan tayo ed saya? (Deut. 8:16) [w02 9/1 p. 30 par. 4–p. 31 par. 1]
SINIMBAN BABASAEN ED BIBLIA
11. Unong a nipabitar diad Genesis 37:12-17, anton pampadpara so naimano tayo ed kurang nen Jose tan kurang nen Jesus? [w87-E 5/1 p. 12 par. 12]
12. Singa ed naimano diad Genesis 42:25-35, panon ya impatnag nen Jose so panangabagey a mipara ed samay panangabagey ya impatnag nen Jesus? [w87-E 5/1 p. 18 par. 10; p. 19 par. 17]
13. Panon a saray probisyon ya itatarya na aripen a klase natan so misimbangan ed samay impangiyutob na ilik ed panaon nen Jose? (Gen. 47:21-25)
14. Diad impangibaga ton, “Magmaliw ak unong ed antokaman a pagmaliwan ko,” anto so ipaparungtal nen Jehova nipaakar ed ngaran to? (Exo. 3:14, 15, NW)
15. Anton duaran sipor a kapeligroan na panagreklamo so naimano diad Exodo 16:2, 3? [w93 3/15 p. 20-1]