Eskedyul ed Pantitipon ed Panagserbi
Simba na Enero 12
Kanta 224
10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Diad pangusar ed saray suhestion ed pahina 4, idemostra no panon ya iparungtal so Enero 15 a Panag-Bantayan tan say Enero 22 ya Awake! Diad kada kipapasen, nepeg ya iyopresin dua so magasin, anggaman sakey labat so iparungtal.
15 min: “Say Matalonggaring a Kablian na Kakabatan na Dios.”a No iyabuloy na oras, pankomentoen iray dumerengel nipaakar ed saray nisitan teksto.
20 min: Panon Yon Pipilien Iray Kalimog Yo? Singbaten a kaiba iray dumerengel a nibase ed libron Dayewen so Dios, pahina 47-9. Diad pangusar ed saray tepet tan tekston nisita ed parapo 13, pankomentoen iray dumerengel nipaakar ed saray prinsipyo na Biblia a nepeg a mangigiya ed sikatayo ed panamili na saray kalimog.
Kanta 186 tan pansaran pikakasi.
Simba na Enero 19
Kanta 95
5 min: Lokal iran pakabat.
10 min: Paliwawa na sakey a matatken a mangobri ed materyal diad “Tepet.”
15 min: Lokal iran pankaukolan.
15 min: “Panon Tayon Natulongan Iray Aliwan-Tasi a Kaasawaan?”b Interbioen so sakey odino duara a nagmaliw a lingkor nen Jehova lapud maabig ya ehemplon impatnag na asawa ra ya angawat ed katuaan.
Kanta 73 tan pansaran pikakasi.
Simba na Enero 26
Kanta 158
12 min: Lokal iran pakabat. Report na saray kuenta. Panonotan iray manangipalapag ya iter da iray report da ed lawak na kimeyan ed Enero. Diad pangusar ed saray suhestion ed pahina 4, idemostra no panon ya iparungtal so Pebrero 1 a Panag-Bantayan tan say Pebrero 8 ya Awake! Diad kada kipapasen, nepeg ya iyopresin dua so magasin, anggaman sakey labat so iparungtal. Diad sakey ed saray presentasyon, idemostra no panon yon niyopresi iray magasin ed sakey a kaabay yo ed ayaman.
15 min: Iyaplika so Salita na Dios ed Bilay Yo Kada Agew. Paliwawa a pibiangan na saray dumerengel. Pasesegen so amin ya epektibon mangusar ed Usisaen so Kasulatan ya Inagew-agew—2004. Singbaten iray komento ed paunan-salita diad pahina 3-4. Tepetan iray dumerengel no antoy sankaabigan a panaon parad sikara pian konsideraen so inagew-agew a teksto. Singbaten so teksto tan saray komento ed satan ya agew a kaiba so kongregasyon. Pankomentoen iray dumerengel no panon tayon niyaplika so impormasyon diad praktikal a paraan. Pasesegen so amin a manmolimolin magano no panon dan niyaplika so materyal sano sisingbaten da so teksto ed kada agew.
18 min: Bayuboan so Pikakaaro ed Saray Kapananisiaan. (Uli. 18:24; 27:9) Paliwawa a pibiangan na saray dumerengel a nibase ed Disyembre 1, 2000, a Panag-Bantayan, pahina 22-3. Sakey ed saray bendisyon ed tuan panagdayew et say pankanawnawan nawalaan na tuan kakaaro. Say panuulop tayo diad saray miting, diad lawak na kimeyan, tan diad arum niran okasyon so makapaseseg a tuloy ed sikatayo. Panon tayon nabayuboan so pikakaaro ed arum diad loob na kongregasyon? Repasoen so kahon ya “Anemiran Kundang ed Manbayag a Pikakaaro,” tan pankomentoen iray dumerengel no panon tayon niyaplika so kada punto diad pidedeneng tayo ed agagi tayo.
Kanta 177 tan pansaran pikakasi.
Simba na Pebrero 2
Kanta 204
10 min: Lokal iran pakabat. Salambiten so opresin literatura ed Pebrero. Repasoen iray presentasyon parad pangiyopresi ed Onapit ed si Jehova a walad Mayo 2003 a Ministeryo Tayo ed Panarian, pahina 7.
20 min: “Estriktoan so Panguusar Yo na Panaon.”c Pankomentoen iray dumerengel no anto so gagawaen da pian saray ag-importantin aktibidad so ag-onsalet ed espiritual iran gegemtan da.
15 min: Aligen si Pablo Unong a Sikatoy Angalig ed Kristo. (1 Cor. 11:1) Singbaten a kaiba iray dumerengel. Singa si Jesus, inanamot nen Pablo iray pankanawnawan manpulong ed “saray akaromog ed sikato.” (Gawa 17:17) Antoray walan pankanawnawa a nagawaan iya diad teritorya tayo? Siopa iray ‘makaromog ed sikatayo’ sano onla itayon mansaliw, mantrabaho odino maneskuela, odino onlugan ed pampublikon luluganan? Sioparay nayarin nakatongtong tayo sano wala itayo ed abung? Paisalaysay ed saray dumerengel iray naeksperiensya ra diad pampupulong ed saray totoon naaabet da diad inagew-agew iran aktibidad.
Kanta 151 tan pansaran pikakasi.
[Saray paimano ed leksab]
a Agsasabien so sakey minuto ya introduksion, tan tumbokan na tepet tan ebat a diskusyon.
b Agsasabien so sakey minuto ya introduksion, tan tumbokan na tepet tan ebat a diskusyon.
c Agsasabien so sakey minuto ya introduksion, tan tumbokan na tepet tan ebat a diskusyon.