Saray Pakabat

◼ Opresin literatura ed Disyembre: Nayarin iyopresi so anggan dinan ed saray onggendan a libro: The Greatest Man Who Ever Lived, The Bible​—God’s Word or Man’s?, My Book of Bible Stories, odino Makapambilay Kayo na Ando lan Ando ed Paraiso diad Dalin. Enero: Nayarin iyopresi so dinanman a daan a libron walaan na 192-pahina. Saraman so andian na saray daan a libro so nayarin mangiyopresi ed Mankind’s Search for God. Pebrero: Iyopresi so libron Onapit ed si Jehova. Marso: Iparungtal so libron Pikakabat, tekep na kalat a nigapo iray panangiyaral ed Biblia.

◼ No sikayo so manbakasyon odino onatendi ed distriton kombension diad mantapos na Disyembre, seguroen ya iter so report yo ed lawak na serbisyo ed Manangasikaso yo na Panagaral na Kongregasyon ed Libro sakbay kayon onsipot. No sinononot so balang sakey ed panreport, ag-itayo onkesay ed bilang na saray manangipalapag anggaman okupado ed kimey legan na kombension.

◼ Teksto ed taon 2004: Say teksto ed taon 2004 so inaon ed Mateo 24:42, 44, NW: “Mansiansian manbantay . . . Seguroen yon akaparaan kayo.” Amin a kongregasyon so kaukolan lan mangipeket ed balon teksto ed taon diad Kingdom Hall da no Enero 1, 2004.