Eskedyul ed Pantitipon ed Panagserbi

Simba na Setyembre 8

Kanta 10

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Usaren iray suhestion ed pahina 4, nawalaan na duaran nandumaan a realistikon demostrasyon no panon ya iyopresi so Setyembre 15 a Panag-Bantayan tan say Setyembre 22 ya Awake! Diad sakey a presentasyon, ipanengneng a say sakey ya estudyante odino sakey ya ateng so manpupulong ed sakey a maestra o maestro.

10 min: Lokal iran pankaukolan.

25 min: “Sikayoran Kalangweran​—Mangiletneg Kayo na Maabig a Pundasyon Parad Arapen.”a Betang na sakey a matatken, ya usaren iray nitaryan tepet. Sano sisingbaten so parapo 5, ipabitar iray gayaga tan bendisyon ed sigpot-panaon a panaglingkor.

Kanta 170 tan pansaran pikakasi.

Simba na Setyembre 15

Kanta 199

10 min: Lokal iran pakabat. Report na saray kuenta.

10 min: “Aralen so Libron Dayewen so Dios.” Paliwawa na manangasikaso na panagaral ed libro. Ipaimano so eskedyul na panagaral. Sano sisingbaten so komapat a parapo, ilaktip iray komento diad libron Eskuelaan Parad Ministeryo, pahina 28, parapo 1, tan pahina 70.

25 min: Anto so Agawaan Tayo nen Katantaon? Paliwawa na manangasikaso na serbisyo. Iparungtal iray pabitar ed report na kongregasyon parad 2003 a serbisyon taon. Komendaan so amin ed maabig iran bengatla ya agawaan da. Ipaimano so agawaan na kongregasyon nipaakar ed iyaatendi ed miting, panagpawil, panangiyaral na Biblia a kimey pati say panag-auxiliary payunir, insan mangiter na saray praktikal a suhestion parad iyaligwas. Mangiletneg na saray nadampot a kalat parad onsublay a taon.

Kanta 58 tan pansaran pikakasi.

Simba na Setyembre 22

Kanta 7

10 min: Lokal iran pakabat. Usaren iray suhestion ed pahina 4, mangipresenta na duaran nandumaan a demostrasyon no panon ya iparungtal so Oktubre 1 a Panag-Bantayan tan say Oktubre 8 ya Awake! Ipanengneng a say sakey ya elder tan sakey ya infirm a manangipalapag so manpupulong panamegley na telepono.

15 min: Italindeg so Katuaan Diad Eskuelaan. Interbioen so sakey odino duaran kalangweran a manangipalapag a man-eeskuela. Panon dan aarapen iray angat tan pakatuksoan ya ipapaarap na saray nasyonalistikon seremonya, saray rally, ekstrakurikular iran isport, tan mabanday a kondukta? Ilaktip iray komento no panon iran akapantasi diad eskuelaan.

20 min: Kasin Aabobonan na Dios so Amin a Relihyon? Singbaten a kaibay dumerengel a nibase ed libron Reasoning. Singbaten no panon so mikatunongan ed sakey a too nipaakar ed sayan punto. (rs p. 322-3) Ipabitar so pigaran paraan a nabidbiran so tuan relihyon. (rs p. 328-30) Say ministeryo tayo so ontutulong ed arum pian napili so dugan nengneng na panagdayew ya aabobonan na Dios.​—Col. 1:9, 10.

Kanta 39 tan pansaran pikakasi.

Simba na Setyembre 29

Kanta 194

10 min: Lokal iran pakabat. Panonotan iray manangipalapag ya iter da la iray report da ed lawak na serbisyo ed Setyembre. Salambiten so opresin literatura ed Oktubre. Nawalaan na antikey a demostrasyon no panon ya igapo so panangiyaral ed Biblia diad pangusar na brosyur a Kakaukolanen.

15 min: “Seguroen a Niyuna Iray Prayuridad!” Paliwawa tan singbaten a kaibay dumerengel a nibase ed artikulo diad Setyembre 1, 1998, a Panag-Bantayan, pahina 19-21. Salambiten iray petsa na teokratiko iran programa ya akaeskedyul ed ontumbok iran bulan, tan pasesegen so amin a markaan da irayan petsa diad kalendaryo ra. Pankomentoen iray dumerengel no antoy gawaen da pian agda nasaew iray espiritual a probisyon.

20 min: “Kawesan Yoy Inkasikayo na Kapaabebaan.”b Pankomentoen iray dumerengel no panon a niyaplika iray teksto.

Kanta 224 tan pansaran pikakasi.

Simba na Oktubre 6

Kanta 170

10 min: Lokal iran pakabat. Diad sayan bulan et sikatayoy mansagpot a maong pian makapangigapo na saray panangiyaral na Biblia. Antikey a repasoen so Mayo 2002 a Ministeryo Tayo ed Panarian, pahina 1, parapo 1.

15 min: Lokal iran pankaukolan.

20 min: Makpel a Pangarap ed Pananesdes na Kalimog. Interbioen so sakey a matatken odino ministeryal a lingkor a binmaleg ed Kristianon sankaabungan. Mangaon na saray pinilin punto manlapud Pebrero 15, 2003, a Panag-Bantayan. Anton pananesdes so inarap na agi diad eskuelaan? (p. 24 par. 3; p. 25 par. 4-5) Kasin sikatoy nipaarap ed antokaman a makaderal ya impluensya na arum? (p. 26 par. 4-6) Kasin sikatoy dedesdesen nin siansia na kalimog to bilang sakey ya adulto? Antoy akatulong ed sikato pian naresistian so pananesdes a miabobon? Diad antikey a pansaran paliwawa a nibase ed Agosto 1, 1999, a Panag-Bantayan, pahina 24-5, ipabitar iray gunggona ed pakawalaan na maabig a kalimog.

Kanta 26 tan pansaran pikakasi.

[Saray paimano ed leksab]