Repaso Ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan parad Ministeryo legan na simba ya onggapo ed Hunyo 30, 2003. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Mayo 5 ya anggad Hunyo 30, 2003. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Akin a say modulasyon et importante sano manpapaliwawa, tan panon iyan nagawaan? [be p. 111 kahon; p. 112 kahon]
2. Anggano say sakey a managpaliwawa et mananisia ed ibabaga to tan mangaaro ed si Jehova, akin a nayarin sikatoy andian na entusiasmo? [be p. 115 par. 3-4; p. 116 par. 1]
3. Anto so ontulong ed sakey a managpaliwawa pian nipatnag to so ligsa tan petang na liknaan ed paliwawa, tan akin a saya so importante? [be p. 119 par. 1-4]
4. Anto so manetermina ed matukoy ya entusiasmo, ligsa, tan arum niran liknaan a nipatnag diad sakey a paliwawa? [be p. 120 par. 2-5]
5. Tua o Tila: Saray andawes tan ipapatnag na lupa so makana labat no onnenengneng ed sika iray dumerengel mo. Isalaysay. [be p. 121 par. 3]
ASAINMIN NU. 1
6. Antoy tinmulong ed si Josias ya amili na suston kundang anggaman ed makapasinagem ya impanugaw to? (2 Awa. 34:1, 2) [w01 4/15 p. 27 par. 1-6; p. 28 par. 4]
7. Anto so kabaliksan na Uliran 9:7, 8a, tan panon itan a niyaplika ed lawak a ministeryo? [w01 5/15 p. 29 par. 4-5]
8. Anto so labay ya ibaga nen Jehova sanen imbaga to ed saray Israelita ya, ‘Agmo lilingwanan,’ tan panon tayon napaliisan so pagmaliw a mililingwan? (Deut. 4:9; 8:11) [be p. 20 par. 1-3]
9. Panon a saray masimoon a balikas nen David ed Salmo 32:1, 5 tan Salmo 51:10, 15 so mangipapanengneng a say sakey a too et agto kaukolan a liknaen so inkaandi-kakanaan kayari graben impankasalanan balet ta angipatnag na tuan pagbabawi? [w01 6/1 p. 30 par. 1-3]
10. Anto so naaralan nipaakar ed panangasikaso ed saray mankaukolan manlapud saray bilin nen Pablo a nidatak diad 1 Timoteo 5:3-16? [w01 6/15 p. 11 par. 1]
SINIMBAN BABASAEN ED BIBLIA
11. Anto so tutukoyen nen Jesus sanen inusar to so balikas a ‘niyanak lamet,’ unong a nirekord ed Juan 3:3? [w95 7/1 p. 9-10 par. 4-5]
12. Diad anton dalan ya inusar nen Jesus so edukasyon to, tan anton mablin leksion so naaralan tayo manlapud saya? (Juan 7:15-18) [w96 2/1 p. 9-10 par. 4-7]
13. Akin ya agnilaktip so Juan 7:53–8:11 ed manunan teksto na New World Translation?
14. Panon a si Jesus so “onsabi ed parehon nengneng” sanen sikatoy sinmegep ed tawen? (Gawa 1:11) [w90 6/1 p. 11 par. 5]
15. Akin ya “anggapo anggan sakey ed saray arum so makpel ya akiulop ed [saray babangatan],” unong ya asaglawi ed Gawa 5:13?