Saray Pakabat

◼ Opresin literatura ed Mayo: Sansakey iran kopya na Say Panag-Bantayan tan Awake! Diad saray panagpawil, nayarin iyopresi na saray manangipalapag so regular a pangitulor ed saray magasin, tekep na kalat a nigapoy panangiyaral ed Biblia. Hunyo: Iyopresi so balon libro ya Onapit ed si Jehova. Hulyo tan Agosto: Dinanman ed saray brosyur so nayarin iyopresi, balet maabig no nagkalautlan iparungtal so brosyur ya A Satisfying Life​—How to Attain It.

◼ Say manangasikason manangimaton odino siopaman a pabtangan to so nepeg a man-audit ed saray kuenta na kongregasyon no Hunyo 1 odino tampol kayari na satan. Sano agawaan la iya, iyanunsio ed kongregasyon kayarin nibasa so ontumbok a report na kuenta.

◼ Diad ontumbok iran bulan et kalkalna min ipawit ed sikayo iray porma a nakaukolan yo ed kongregasyon legan na ontumbok a serbisyon taon. No walaray arum nin porma a nakaukolan yo, nayari yon pedidoen iraya a singa dati, ya usaren so porma a Literature Request (S-AB-14). Sarayan porma so ipawit ed sikayo ya anggapoy bayar, balet seguradon saray kongregasyon so malabay a mangiter na makatunongan a kontribusyon parad sankamundoan a kimey ta pian ontulong ed gastos ed imprinta tan pangipatulor. Ipangasin imanoen a saray lapel card parad 2003 a Distrito Iran Kombension so nilaktip ed kalkalnan ipawit iran porma, kanian agla kaukolan a pedidoen iraya likud no kulang so nipawit ed sikayo. Balet, kaukolan yon pedidoen so plastik parad card ed regular a porma na Literature Request.