Eskedyul ed Pantitipon ed Panagserbi

Simba na Mayo 12

Kanta 1

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Mangipademostra na duara ya usaren iray suhestion ed pahina 8 no panon ya ipresenta so Mayo 15 a Panag-Bantayan tan say Mayo 22 ya Awake! Salambiten met so uksoyan parad panagdonasyon.

20 min: Atateng​—Tulongan Yoy Ananak Yo ya Onaligwas. Paliwawa a singbaten iray pabitar ed libron Eskuelaan Parad Ministeryo, pahina 9-12 tan 21-38. Pasesegen iray atateng a mangusar na pigara ed sayan materyal diad panagaral da bilang pamilya, tekep na gagalan ipasal iray ananak da ya onaligwas ed ministeryo.

15 min: “Angimatalekan na Maong a Balita.”a Iyuksoy lan masakbay so sakey odino duaran manangipalapag a mangipaliwawa ed antikey no panon dan niyarunsa iray personal a sirkumstansya ra pian napadaak day pibibiang da ed panagpulong a kimey.

Kanta 46 tan pansaran pikakasi.

Simba na Mayo 19

Kanta 62

15 min: Lokal iran pakabat. Report na kuenta. Singbaten so “Internasyonal a Panagpaalagey na Kingdom Hall Diad Pigaran Bansa ed Europa.” Salambiten a say panagpaalagey na saray Kingdom Hall diad teritorya na lokal a sanga et susuportaan na saray kontribusyon parad Kingdom Hall Fund.

15 min: “Tepetepet.” Paliwawa. Repasoen ed antikey iray pigaran suhestion parad saray presentasyon ed telepono a pinmaway ed Pebrero 2001 a Ministeryo Tayo ed Panarian, pahina 6, parapo 10-13.

15 min: “Idayew si Jehova Panamegley na Impormal a Panagtasi.” Paliwawa tan singbaten kaiba iray dumerengel. Sano sisingbaten so parapo 3, tepetan iray dumerengel no antoy nayarin ibaga pian nigapo so tongtongan ed Biblia ed saray pigaran onggendan a situasyon: (1) legan ya akapila ed panagbayaran, (2) legan a walad pampublikon luluganan, (3) diad sakey a kaabay a manlilinis ed kaliberliber na abung, (4) diad sakey a katrabahoan, tan (5) diad sakey a kaklase ed eskuelaan. Iyuksoy lan masakbay so lokal ya eksperiensya a mangipapanengneng no panon a say manangipalapag so tinmalona ed impormal a panagtasi.

Kanta 135 tan pansaran pikakasi.

Simba na Mayo 26

Kanta 174

10 min: Lokal iran pakabat. Mangipademostra na duara ya usaren iray suhestion ed pahina 8, no panon ya ipresenta so Hunyo 1 a Panag-Bantayan tan say Hunyo 8 ya Awake!

15 min: Tulongan so Arum ya Onapit ed si Jehova. Paliwawa tan singbaten kaiba iray dumerengel. Iyopresi tayo so balon libro legan na Hunyo. Singbaten so sulat ed saray managbasa diad pahina 3, tan ipabitar so pigara ed saray kabiangan na libro. Idadanet na kada sakey ed saray apatiran seksion so sakey ed saray kalidad nen Jehova. Walay 17 ya interon-pahina iran ilustrasyon na saray eksena ed Biblia. Repasoen so kahon ya “Isusuheri Iran Presentasyon Parad Onapit ed si Jehova,” tan paidemostra ed makayarin manangipalapag so sakey ed saray presentasyon.

20 min: “Say Salita na Dios so Katuaan.”b Usaren iray nitaryan tepet. Sano sisingbaten so parapo 4, paidemostra ed makayarin manangipalapag no panon ya usaren so Biblia ed unonan dalaw, ya usaren so pigara ed saray suhestion a pinmaway diad artikulon “Agamilen so Salita na Dios a Duga.”​—km 12/01 p. 1 par. 3-4.

Kanta 188 tan pansaran pikakasi.

Simba na Hunyo 2

Kanta 210

10 min: Lokal iran pakabat. Repasoen so sakey odino duaran suhestion manlapud insert na Mayo 2002 a Ministeryo Tayo ed Panarian parad panangipresenta ed brosyur a Kakaukolanen tan libron Pikakabat.

20 min: Mapagalang a Panangasawa​—Sakey a Kakaukolanen na Dios. Paliwawa tan singbaten a kaiba iray dumerengel. Diad dakel iran bansa, kaslakan la so panaamong na duara ya aliwan kasal. Ipabitar so panmoria na Biblia, ya idanet a say panangasawa et uksoyan na Dios. (rs p. 248-9; p. 262-3 diad Tagalog) Say panamong ya aliwan kasal et pilalawanan. (fy p. 17) Sumlang ed sisiaen na dakel, ipapanengneng na impanaral a say panamong antis na kasal so makasbel ed posiblin italona na panamaley. (g02 3/8 p. 29; g92 9/8 p. 28; g91 5/8 p. 28) Igagalang na saray Kristiano si Jehova panamegley na itutulok da ed saray estandarte to. Diad panggawa ed satan, sikara met so nagunggonaan a mismo.​—Isa. 48:17, 18.

15 min: Panon Kayon Nagugunggonaan? Singbaten a kaiba iray dumerengel a betang na manangasikaso na eskuelaan. Manlapu nen Enero, imparungtal ed sikatayo so balon pormat ed Teokratikon Eskuelaan Parad Ministeryo. Ipabitar iray positibon resulta a naimano ed kaplesan. Kasin dakel so nampalista ed eskuelaan? Kasin lalon mabulos iran mibiang? Panon a nagugunggonaan iray estudyante ed balon uksoyan parad panagkonseho? Paisalaysay ed saray dumerengel no panon iran agunggonaan a mismo manlapud balon programa.

Kanta 225 tan pansaran pikakasi.

[Saray paimano ed leksab]