Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan parad Ministeryo legan na simba ya onggapo ed Abril 28, 2003. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Marso 3 ya anggad Abril 28, 2003. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Antoray nayarin sengegan ed agpagmaliw a marlas a mansalita? [be p. 93]
2. Tua o Tila: Kaukolan a paliisan so panangitunda, lapud ibalang na satan iray kanonotan na totoo tan mangiter ed sikara na pankanawnawan onsalet. Ipaliwawa.
3. Anto so kaimportantian na manepeg a panangidanet ed sakey a managpaliwawa odino managbasa ed publiko? (Neh. 8:8) [be p. 101]
4. Panon a napaaligwas na sakey so manepeg a panangidanet? [be p. 102-3]
5. Antoray manunan ideya a kaukolan ya idanet sano manbabasan maksil ed palapagan diad panagaral na Biblia odino diad miting ed kongregasyon? [be p. 105]
ASAINMIN NU. 1
6. Anto so nayarin gawaen na saray ateng diad pangipasal ed saray anak da “pian sikara komon so ontalineng tan pian sikara komon so manaral” diad saray miting na Kristiano? (Deut. 31:12, NW) [be p. 16]
7. Anto so espiritual a paraiso? [w01 3/1 p. 8-10]
8. Panon ya ipapanengneng na Uliran 8:1-3 a say maridios a kakabatan so niwala ed amin, tan unong ed Colosas 2:3 et iner so pakaromogan ed satan? [w01 3/15 p. 25, 28]
9. Panon tayon nipakabat so ngaran na Dios? (Juan 17:6) [be p. 273-5]
10. Antoran importantin detalye so kaukolan ya amtaen na totoo nipaakar ed “maong a balita na panarian”? (Mat. 24:14) [be p. 279-80]
SINIMBAN BABASAEN ED BIBLIA
11. (a) Diad inmunan siglo, anto so “makapadimlan bengatla” ya asalambit ed Marcos 13:14? (b) Antoy tutukoyen na ‘manal-alagey itan ed agto kanepegan’?
12. Panon ya inletneg na Ebanghelyo nen Lucas a si Jesus so mananawir ed trono nen David base’d kapolian? (Luc. 3:23-38) [w92 10/1 p. 9 par. 3]
13. Anto so kabaliksan na balikas nen Jesus a nirekord ed Lucas 12:2?
14. Diad ilustrasyon nen Jesus nipaakar ed abalang a drakma, akin a makatantanda so reaksion na saray anghel? (Luc. 15:10) Anto so epekto na alimbawa ra ed sikatayo?
15. Dinan a duaran sipanan so asalambit diad Lucas 22:29 unong ed New World Translation?