No Anto so Ibaga Nipaakar ed Saray Magasin

Say Panag-bantayan Hulyo 15

“Diad padesir yo, kasin saray marelmeng so nadudusa diad impierno? [Abuloyan ya onebat.] Malinew ya ipapanengneng na Biblia no anto so dusa na kasalanan. [Basaen so Roma 6:23a.] Natan, kasin say impierno et mangapuy-apoy a pasen a panagpairapan? Kasin basta labat itan kipapasen na inkisian ed Dios? Iter na sayan magasin so Makasulatan iran ebat ed sarayan tepet.”

Awake! Hulyo 22

“Ipapasen na dakel a totoo so panagsugal bilang aaksobien a panagpalabasan na oras ed sosyedad. Saray arum so mangipapasen ed satan a mapeligro ed saray pamilya tan sosyedad diad inkalapagan. Uusisaen na sayan paway na Awake! so panagsugal diad pangokonsidera ed agano nin nipalapag a panagsukimat. Nayarin interesado kayo met a manbasa no panon a saray prinsipyo na Biblia so misiglaotan ed sayan tema.” Bilang alimbawa, basaen so 1 Timoteo 6:10.

Say Panag-bantayan Ago. 1

“Ipapasen na dakel a totoo a saray maaniton ideya tan kustombre et panligliwaan labat. [Ipanengneng so sakey odino duaran alimbawa manlapud kahon ed pahina 5.] Kasin naisip yo la no anto so walad benegan na saratan ya ideya? [Abuloyan ya onebat, basaen so 2 Corinto 11:14.] Ipaparungtal na sayan magasin so panmoria na Biblia nipaakar ed saray anito.”

Awake! Ago. 8

“Dakel a totoo so mapagan tuloy nipaakar ed pirmin idarakel na karawalan tan terorismo. Nayarin onabobon kayo ed ibabaga na Eclesiastes 8:9. [Basaen tan abuloyan ya onebat.] Sisingbaten na sayan paway na Awake! iray leksion manlapud apalabas tan ipapanengneng to no panon a magano lan mangangga itan a panagdomina.”