Eskedyul ed Pantitipon ed Panagserbi

Simba na Hulyo 8

Kanta 201

15 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Diad pangusar ed saray suhestion ed pahina 4, nawalaan na duaran biig a demostrasyon no panon so pangiparungtal ed Hulyo 15 a Panag-Bantayan tan say Hulyo 22 ya Awake! Diad kada demostrasyon, ipanengneng so duman paraan a pangasikaso ed saray manamatunda na tongtongan a “Kristiano kami la dia.”​—Nengnengen so libron Reasoning, pahina 19.

10 min: Paliwawa na sakey a matatken ed “Tepet” ed pahina 3, a manggawa na lokal ya aplikasyon ed materyal.

20 min: Pagmaliw ya Organisado a Mantasin Impormal. Singbaten kaiba iray dumerengel base ed libron Our Ministry, pahina 93-4. Diad pangusar ed saray suhestion ed arap a pahina na Mayo 2002 ya insert na Ministeryo Tayo ed Panarian, antikey ya idemostra so duara odino taloran paraan ed pantasin impormal ed sakey a dayo, kaabay, kanayon, odino kabkabat.

Kanta 139 tan pansaran pikakasi.

Simba na Hulyo 15

Kanta 144

10 min: Lokal iran pakabat. Report na kuenta.

15 min: Lokal iran pankaukolan.

20 min: Maabig Iran Rason Pian Usaren so Biblia ed Ministeryo Tayo. Paliwawa tan singbaten kaiba iray dumerengel. Kabisado nen Jesus so Kasulatan tan mabetbet ton tinukoy iratan sanen manbabangat. (Luc. 24:27, 44-47) Say imbangat to et agnanlapud sikato. (Juan 7:16-18) Importantin usaren tayo met so Salitay Dios. Mas mapuersa itan nen say antokaman a nayarin ibaga tayon mismo. (Juan 12:49, 50; Heb. 4:12) Nasasagyat iray masimoon lapud ligliwa tan ilalo ya iyoopresi na Kasulatan. Gawaen yon kalat so pangibasa na anggan sakey labat a teksto na Biblia diad saray presentasyon yo. Ipabitar a saray teksto so intekep ed saray nisuherin presentasyon na magasin ed sayan bulan. Pankomentoen iray dumerengel no panon dan uusaren so Biblia ed ministeryo tan say epekto na saya ed inkasikara tan ed saraman so pupulongan da.

Kanta 215 tan pansaran pikakasi.

Simba na Hulyo 22

Kanta 47

10 min: Lokal iran pakabat. Idemostra na sakey ya ateng tan anak a mankikimey a mankaiba ed lawak no panon so pangusar ed saray suhestion ed pahina 4 pian iyopresi so Agosto 1 tan Agosto 8 iran magasin. Say sakey so mangiparungtal ed Say Panag-Bantayan, tan say sananey so mangiparungtal ed Awake! Pasesegen iray atateng a mantultuloy a mangipasal ed ananak da diad ministeryo.

17 min: Anto so Ibaga Yo ed Sakey a Too ya Ontetepet Nipaakar ed Islam? Paliwawa tan demostrasyon. Diad pangusar ed libron Mankind’s Search for God, kapitulo 12, antikey ya ipaliwawa so pampetekan na Biblia tan say Koran. (Nengnengen so kanon ed pahina 285.) Ipanengneng so pandumaan na bangat na Islam nipaakar ed kamarerwa (pahina 297-300) tan say salaysay na Biblia. (Nengnengen so paimano’d-leksab ed pahina 299.) Diad pangusar ed libron Reasoning, pahina 375-9 (p. 100-4 ed Tagalog), idemostra no panon ya isalaysay ed balo nin interesadon too no anto so ibabaga na Biblia nipaakar ed kamarerwa.

18 min: Panon Kon Napaliisan Iray Kapeligroan ed Internet? Paliwawa tan singbaten ed saray dumerengel base’d Enero 22, 2000, ya Awake!, pahina 19-21. Ipabitar iray patit ed agmapeget a panangusar ed Internet, tan ipaliwawa no panon a napaliisan so pakapatitan. Imbitaan iray dumerengel a mankomento no panon iran agunggonaan ed pangiyaaplika ed sayan konseho.

Kanta 61 tan pansaran pikakasi.

Simba na Hulyo 29

Kanta 54

10 min: Lokal iran pakabat. Panonotan iray manangipalapag a mangiter ed saray report da ed lawak na serbisyo parad Hulyo.

15 min: “Saray Sankaliketan a Totoo ed Dalin.” Paliwawa. Antikey ya ilaktip so “Saray Kundang a Mamaarap ed Liket,” ed pahina 6 ed Oktubre 15, 1997, a Panag-Bantayan.

20 min: “Mantutunosan ed Pankakasakey.”a Sano singbaten so parapo 3, ilaktip iray komento ed Abril 22, 2000, ya Awake!, pahina 9-10. Diad parapo 4, ilaktip iray komento ed Abril 1, 1995, a Panag-Bantayan, pahina 16-17, parapo 4-6.

Kanta 81 tan pansaran pikakasi.

Simba na Agosto 5

Kanta 38

10 min: Lokal iran pakabat.

20 min: “Katitipon na Totoo Manlapud Amin a Lenguahe.”b Ilaktip iray komento ed Abril 1, 2002, a Watchtower, pahina 24. No matukoy, antikey ya ipaliwawa no anto so gagawaen pian tulongan iraman so walad lokal a teritorya a mansasalita na duma iran lenguahe, tan idemostra so presentasyon ed parapo 4.

15 min: Paliwawa na sakey a matatken ed “Empatya​—Tombok ed Panangasi tan Panangabagey,” a nibase’d artikulo ed Abril 15, 2002, a Panag-Bantayan, ed pahina 24-7.

Kanta 184 tan pansaran pikakasi.

[Saray paimano ed leksab]