Eskedyul ed Pantitipon ed Panagserbi

Simba na Mayo 13

Kanta 37

10 min: Lokal iran pakabat. Pinilin pakabat manlapud Ministeryo Tayo ed Panarian. Usaren iray suhestion ed pahina 8, nawalaan na duaran demostrasyon no panon ya iparungtal so Mayo 15 a Panag-Bantayan tan Mayo 22 ya Awake!

20 min: “Saray Nisuherin Presentasyon Parad Lawak na Kimeyan.” Singbaten na manangasikaso na serbisyo so insert ed dumerengel. Lugan na sayan insert iray nisuherin presentasyon a naromog ed apalabas iran isyu na Ministeryo Tayo ed Panarian ontan met ed saray pigara a balo ni. Nayarin usaren iray blankon linya a pangisulatan ed arum nin suhestion ya iparungtal ed arapen ya apaneknekan ya epektibo ed teritorya yo. Imbitaan iray dumerengel a mangibaga no dinan iran presentasyon so nagkalautlan labay da tan akin. Idemostra so sakey odino duara a nayarin usaren ed sayan sampot-simba. Pasesegen so amin a manangipalapag tan payunir a mangisimpen ed sayan insert tan lawas ontupleg ed saya sano manpaparaan parad ministeryo.

15 min: “Napaliisan Mo so Ataki ed Espiritual a Puso.” Paliwawa a nibase ed artikulo na Disyembre 1, 2001, a Panag-Bantayan, pahina 9-13. Ipanengneng a makana so panalimbeng ed piguratibon puso a singa met ed panalimbeng ed pisikal a puso. Pasesegen so amin ya ag-ibabaliwala so manamasakbay a sinyalis na ikakapuy ed espiritual.

Kanta 115 tan pansaran pikakasi.

Simba na Mayo 20

Kanta 13

10 min: Lokal iran pakabat. Report na saray kuenta. Repasoen so “Tepet.”

15 min: “Kasin Maawang so Teritorya na Kongregasyon Yo?” Paliwawa tan panangisingbat ed dumerengel a betang na manangasikaso na serbisyo. (Nayarin repasoen na saray Kongregasyon a walaan na limitadon teritorya so artikulo ya “Usaren a Makana so Panaon Mo,” a wala’d Hunyo, 1999 a Ministeryo Tayo ed Panarian, pahina 4.) Ipabitar no kaunongan so teritorya na kongregasyon tan no kaunongay akobrian nen imbeneg a taon. Ipaliwawa no panon a niyaplika iray suhestion diad lugar yo. Repasoen iray ginawan plano diad pangobre ed matalag a nakikimeyan a teritorya diad asingger lan arapen.

20 min: “Kasin Uusaren Yo so Brosyur a Kakaukolanen Pian Mangigapo na Panangiyaral?” Igapo panamegley na demostrasyon na sakey ya akaparaan a maong a manangipalapag no panon so pangigapo na panangiyaral, ya uusaren so alimbawa ed parapo 3. Kayari na satan, bitlaen iray nipabitar ed brosyur, tan ipaliwawa no panon a satan so denesinyon maong parad pangigapo na panangiyaral. Ipanengneng so kakanaan na regular a panrepaso ed saray suhestion ed pahina 4 tan 6 na insert ed sayan bulan no panon so pangigapo na saray panangiyaral ed Biblia diad sayan brosyur. Tepetan iray dumerengel no dinan ed saray nisuheri so nalmoan dan sankatalonaan. Sampotan diad pangulit ed demostrasyon ed parapo 3.

Kanta 169 tan pansaran pikakasi.

Simba na Mayo 27

Kanta 208

12 min: Lokal iran pakabat. Panonotan iray manangipalapag ya iter iray report da parad Mayo. Usaren iray nisuheri ed pahina 8, paidemostra ed maedad lan manangipalapag no panon ya ipresenta so Hunyo 1 a Panag-Bantayan tan paiparungtal ed malalangwer a manangipalapag no panon ya ipresenta so Hunyo 8 ya Awake! Kayari na kada demostrasyon, komentoan ya agaylan inomay ya ilaktip so teksto ed presentasyon.

20 min: “Anto so Walaan na Peteg a Kablian?” Paliwawa na sakey a matatken a nibase ed artikulo na Setyembre 15, 2001, a Panag-Bantayan, pahina 21-3. Ipanengneng no panon a say a panangabobon nen Jehova so mas makana nen say inkabantog odino materyal iran kayarian. Iyadapta iray punto ed kongregasyon yo pian magmaliw a praktikal itan.

13 min: Pangiparungtal ed libro a Pikakabat diad Hunyo. Kayari na antikey a paningbat ed pitoran “Suhestion Diad Pangipresenta ed Libro a Pikakabat” diad pahina 5 na insert, paidemostra ed akaparaan a maong iran manangipalapag odino payunir so duara ed sarayan presentasyon. Pasesegen so amin a repasoen irayan nisuheri antis a mibiang ed ministeryo no Hunyo.

Kanta 93 tan pansaran pikakasi.

Simba na Hunyo 3

Kanta 178

15 min: Lokal iran pakabat. Mangiyarunsa na saray manangipalapag a mangidalatdat ed saray bendisyon ya alikna ra bilang resulta na impibiang da ed auxiliary odino regular payunir a kimey legan na Marso, Abril, odino Mayo.

15 min: No Panon ya Uusaren na Libron Reasoning so Arum a Patalos na Biblia. Antikey a paliwawa a tumbokan na panangisingbat ed dumerengel. Basaen so parapo 2 diad pahina 8 na libron Reasoning, tan ipaliwawa no akin tan no panon a kaukolan a nidanet so pangusar ed Biblia diad ministeryo tayo. Ipabitar iray akalistan abbreviation na Biblia diad pahina 6, tan ipaliwawa no akin ya uusaren tayo so arum iran balikas manlapud arum iran patalos. Singbaten iray panonot a binitla ed Oktubre 1, 1997, a Panag-Bantayan, pahina 16, parapo 2, tan pahina 20, parapo 15. Diad pangusar ed saray teman “Apostolic Succession,” “Images,” tan “Trinity” diad libron Reasoning, kerewen ed saray dumerengel ya iyilustra no panon a say pangikompara ed saray patalos so makatulong diad pangibangat na katuaan.

15 min: “Pakiwasen Itayo na Pananisia Tayo a Manggawa na Maabig.”a Sano sisingbaten so parapo 2, interbioen a magano so sakey a maseseg a Tasi. Paibesngaw ed manangipalapag no panon a say panagpulong ed arum so mangipapatnag tan mamapabiskeg ed pananisia to.

Kanta 56 tan pansaran pikakasi.

[Paimano ed leksab]