Eskedyul ed Pantitipon ed Panagserbi

Simba na Pebrero 11

Kanta 6

12 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Pasesegen so balang sakey a manbasa odino manrepaso ed Genesis 6:1 anggad 9:19 tan bantayan so video a Noah​—He Walked With God bilang preparasyon parad paningbat diad Service Meeting ed simba na Marso 4.

20 min: “Sigpot ya Ipulong so Salita na Dios.”a (Parapo 1-13) Betang na manangasikason manangimaton. Maligsan tongtongan no anto so pilalek tayon nagawaan ed Marso, Abril, tan Mayo. Balang sakey so nepeg a mangusar ed kalendaryo a nitarya ed insert pian iplano so praktikal ya eskedyul diad pibiang anggad posibli ed ministeryo legan na Marso. Pasesegen so amin a makasarag a man-auxiliary payunir ed satan a bulan. Sano singbaten so parapo 7-8, paibalikas iray bendisyon a nanggayagaan na saraman so nampayunir nen imbeneg a panaon na Memoryal. Iyanunsio a saray aplikasyon parad pan-auxiliary payunir so nitarya kayari na sayan miting tan ontan met ed miting ed Simba, Pebrero 17 parad saraman so manplaplanon manpayunir.

13 min: “No Anto so Ibaga Nipaakar ed Saray Magasin.” Tepetan iray manangipalapag no panon a sayan kabiangan ed Ministeryo Tayo ed Panarian so akatulong ed sikara pian lalon akaparaan. Diad duaran antikey a demostrasyon, ipanengneng no panon so pangipresenta ed Pebrero 15 a Panag-Bantayan insan say Pebrero 22 ya Awake!

Kanta 49 tan pansaran pikakasi.

Simba na Pebrero 18

Kanta 95

10 min: Lokal iran pakabat. Report na kuenta.

15 min: “Akin a Mantultuloy a Manpulong?”b Sampotan diad panginterbio na sakey odino duaran manangipalapag a mantutultuloy a manpupulong ed loob na dakel lan taon. Kerewen ed sikara ya inabang day liknaan da no akin a mantutultuloy ira ed sayan kimey tan no panon itan a mangugunggona ed sikara.

20 min: “Sigpot ya Ipulong so Salita na Dios.”c (Parapo 14-23) Betang na manangasikaso na serbisyo. Ibinsabinsa so interon eskedyul na saray miting parad lawak na serbisyo ya implano ed Marso. Iyapasakey ed pamaaktibo lamet ed saraman so nagmaliw ya inaktibo tan tulongan iray ananak tan saray iyaaralan na Biblia ya onkualipika bilang agbautismadon manangipalapag. Iyanunsio so kangaranan na saraman so nan-aplay lan man-auxiliary payunir ed Marso, tan pasesegen ni dakel a masimoon a nonoten so pibiang ed sikara.

Kanta 143 tan pansaran pikakasi.

Simba na Pebrero 25

Kanta 174

10 min: Lokal iran pakabat. Idemostra so duaran antikey a panangipresenta ed magasin​—usaren so Marso 1 a Panag-Bantayan tan say sakey et say Marso 8 ya Awake!

35 min: “Kasin Iyaaplika Yo so Naaralan Yo ed ‘Manangibangat na Salitay Dios’ a Distriton Kombension?” Singbaten so programa na kombension ed saray dumerengel, a betang na konduktor na Panagaral na Panag-Bantayan. Kayari na sakey minuto ya introduksion, mangusar na 10 anggad 12 a minuto parad kada programa ed agew. Ipresentan antikey iray manunan punto ed silong na kada subtitulo insan pakomentoan ed saray dumerengel (1) no panon dan nanggunaetan so pangiyaplika ed bilin, (2) no panon ya agunggonaan ira ed impanggawa ed satan, tan (3) no anto so lalon nalikna dan kaukolan a gawaen. Mangusar na makatenyeg-kanonotan iran tepet pian ipaseseg so mabilabilay a diskusyon.

Kanta 151 tan pansaran pikakasi.

Simba na Marso 4

Kanta 207

5 min: Lokal iran pakabat.

10 min: Usaren so Libron Pikakabat ed Pangigapo na Saray Panangiyaral na Biblia. Legan na Marso, pirawat tayon panggunaetan so pangigapo na saray panangiyaral na Biblia. Isalaysay ya antikey so eksperiensya ed Agosto 1998 a Ministeryo Tayo ed Panarian, pahina 4, parapo 8. No walay agano nin akapangigapo na panangiyaral ed libron Pikakabat panamegley na balon tract a, Labay Moy Makaaral nin Maong Diad Biblia?, paiyakto lamet no panon iyan agawaan.

15 min: “Epekto na Saray Video a Mangiiter na Pantasi.” Singbaten ed saray dumerengel. Diad kaplesan, walora lan video so arepaso tayo diad programa ed Service Meeting. Paisalaysay ed saray manangipalapag no antoray agamoran dan intalona diad impangipabantay ed saray video ed arum.

15 min: “Amin so Makaaral Manlapud Noah​—He Walked With God.” Direktan igapo so diskusyon ed video a Noah ed saray dumerengel, ya usaren labat iray tepet ya intarya ed kahon ed sayan pahina. No Abril et bantayan tayo lamet so video a Young People Ask​—How Can I make Real Friends? (Imanoen: Diad saray kongregasyon ya anggapo iyan video, say paliwan “You Have Value in God’s Eyes” so nayarin usaren, nibase ed Hunyo 8, 1999 ya Awake!, pahina 11-13.)

Kanta 215 tan pansaran pikakasi.

[Saray paimano ed leksab]