Eskedyul ed Pantitipon ed Panagserbi

PAIMANO: Walay eskedyul na Ministeryo Tayo ed Panarian parad Service Meeting kada simba legan na Nobyembre, Disyembre, tan Enero. No nakaukolan et iyarunsa iratan na saray kongregasyon pian makaatendi ed “Manangibangat na Salitay Dios” a Distriton Kombension. Mangusar na 15 minuto ed unor a Service Meeting sakbay na kombension yo pian uliten so nipabitar a konseho manlapud sayan insert na bulan ya onaplika ed lokal. Legan na Pebrero, say interon Service Meeting so iyuksoy parad panrepaso ed saray nipabitar ed kombension. Bilang preparasyon ed satan a diskusyon, amin tayo so makapangala na makabaliksan iran nota diad kombension, pati say listaan na saray punto a labay tayon iyaplikan personal ed dilin bilay tayo tan ed lawak na ministeryo. Insan makapanparaan itayon mangipaliwawa no panon tayon niyaplika la irayan suhestion nanlapu la’d inyatendi tayo ed kombension. Makapaseseg so pakarengel ed balang sakey a mangisalaysay no panon itayon agunggonaan manlapud maabig ya instruksion a naawat.

Simba na Nobyembre 12

Kanta 170

12 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Ilaktip iray demostrasyon na duaran presentasyon, ya usaren so kahon a “No Anto so Ibaga Nipaakar ed Saray Magasin.” Sakey a manangipalapag so mangiparungtal ed Nobyembre 15 a Panag-Bantayan, tan say sakey so mangiparungtal ed Nobyembre 22 ya Awake!

15 min: “Ompapeg ed si Jehova Parad Biskeg.”a Ilaktip so antikey iran komento ed Oktubre 1, 1999, a Panag-Bantayan, pahina 18-19, parapo 6-8.

18 min: “Saray Kombension​—Panaon na Panliket!” Paliwawa na sakey a matatken.

Kanta 191 tan pansaran pikakasi.

Simba na Nobyembre 19

Kanta 172

8 min: Lokal iran pakabat. Saray report na kuenta.

15 min: “Atateng​—Ipasal Yoray Ananak Yo a Manpulong.”

22 min: “Ontalineng tan Onggamor na Dakel nin Bilin.” Paliwawa tan singbaten ed saray dumerengel.

Kanta 195 tan pansaran pikakasi.

Simba na Nobyembre 26

Kanta 177

10 min: Lokal iran pakabat. Usaren iray suhestion ed “No Anto so Ibaga Nipaakar ed Saray Magasin,” mangidemostra na duaran presentasyon ed magasin​—say sakey et usaren so Disyembre 1 a Panag-Bantayan tan say sananey et usaren so Disyembre 8 ya Awake!

15 min: “Iner so Pangalaan Ko na Panaon?” Paliwawa tan singbaten ed saray dumerengel. Ilaktip iray manunan punto manlapud Oktubre 1, 2000, a Panag-Bantayan, pahina 20-1, parapo 9-10, diad subtitulon “No Panon so Pangipapanaon na Arum ed Panagaral.” Paisalaysay ed saray dumerengel iray praktikal a paraan ed impakawalaan day panaon parad mas importante iran bengatla diad impamawas ed saray agnakakaukolan iran aktibidad.

20 min: “Manggawa na Kamaongan tan Nidayew.”

Kanta 198 tan pansaran pikakasi.

Simba na Disyembre 3

Kanta 179

8 min: Lokal iran pakabat.

17 min: Saray Lugan na Libron Reasoning. Singbaten ed saray dumerengel. Konsideraen so onggendan iran alimbawa ed no panon a saray nanduruman lugan na libro et mausausar ed pangipaliwawa ed saray bangat na Biblia: Saray uker, a singa say “Panarian” (p. 225-6; p. 87 ed Tagalog) odino “espiritu” (p. 380; p. 158 ed Tagalog); nikompara iran impangipatalos manlapud nanduruman patalos, a mangipanengneng no iner tan no panon a say ngaran na Dios so nausar ed Biblia (p. 191-3; p. 190-2 ed Tagalog) odino say katuaan nipaakar ed impierno (p. 169-70; p. 183-4 ed Tagalog); saray listaan, a mangibibinsabinsa ed saray sisiaen a mangibiig ed sikatayo manlapud arum iran relihyon (p. 199-201; p. 377-9 ed Tagalog) odino pangipanengneng no panon a naamtaan na sakey a too no dinan so dugan relihyon (p. 328-30; p. 365-7 ed Tagalog); maawaran ya abenegan, a mangipaparungtal ed gapoan na Krismas (p. 176-8; p. 111-13 ed Tagalog) odino say neutral a talindeg na inmuna iran Kristiano (p. 273-5; p. 251-3 ed Tagalog); sientipikon paneknek, a manusuporta ed palsa (p. 85-6; p. 291-3 ed Tagalog) odino pangipapabitar ed makapuy ya epekto na marijuana tan panagsigarilyo (p. 108-11; p. 135-8 ed Tagalog). Pasesegen iray manangipalapag a mangusar ed sayan maabig a katulongan ed panagbangat bektaman ya onlesa iray pankanawnawa ed lawak na ministeryo.

20 min: “Saray Bendisyon ed Pangipanengneng na Apresasyon ed Panangaro nen Jehova​—Parte 1.”b Sano singbaten so parapo 3-6, imbitaan so kongregasyon a mangisalaysay na makapaseseg iran eksperiensya ra diad panagkabkaabungan a kimey, panagtasi ed karsada, saray panagpawil tan panangiyaral na Biblia.

Kanta 200 tan pansaran pikakasi.

[Saray paimano ed leksab]