Eskedyul ed Pantitipon ed Panagserbi

Simba na Enero 8

Kanta 29

7 min: Lokal iran pakabat. Saray Apilin Pakabat manlapud Ministeryo Tayo ed Panarian.

13 min: “Pamaseseg ed Saray Payunir.” Positibo tan makapabiskeg a paliwawa na sakey a matatken

25 min: Saray Maaron Probisyon Parad Panangasikaso ed Bunigas Tayo. Singbaten na kualipikadon matatken so kaimportantian na pansulat ed Advance Medical Directive/Release card. Ipapanengneng na apuyanan a panangiwanwan diad Salmo 19:7 a say Gawa 15:28, 29 et sakey a balikas na ayadyarin ganggan na Dios nipaakar ed Dala. Ipaamta na sayan dokumento so determinasyon yon mangitandoro ed satan a ganggan tan isalitaan to kayo met sano agkayo makapansalita. (Ikompara so Uliran 22:3.) Kayari na sayan miting, naikdan iray bautismadon Tastasi na balon card, tan saraman so walaan na agbautismadon menor de edad ya ananak so makaawat na Identity Card parad balang ugaw. Agsulatan natan irayan card. Nepeg a sulatan iratan a maalwar diad abung balet ALIWAN pirmado. Say panpirma, pakatasi, tan panpetsa ed amin a card so gawaen ed ontumbok a Panagaral na Libro ed Kongregasyon, diad panangasikaso na konduktor na panagaral na libro. Sakbay a pirmaan, seguroen a saray card so kompleton asulatan. Saraman so manpirma bilang tastasi so nepeg ya aktual a makanengneng ed panpirma’d dokumento na say makan-card. Diad pangitukoy ed sayan card unong ed dili ran sirkumstansia tan kombiksion, nayarin mangisulat iray agbautismadon manangipalapag na dili ran direktiba ya usaren da tan ed ananak da.

Kanta 155 tan pansaran pikakasi.

Simba na Enero 15

Kanta 51

10 min: Lokal iran pakabat. Report na kuenta.

15 min: ‘Pasindagen so Silew Yo.’a Ilaktip iray komento ed Hunyo 1, 1997, na Panag-Bantayan, pahina 14-15, parapo 12-13. Pasesegen so amin ya anamoten day amin a pankanawnawa a manpulong.

20 min: Kasin Uusisaen Yoy Kasulatan ya Inagew-agew? Paliwawa tan saray interbio. Konsideraen so Disyembre 15, 1996, a Panag-Bantayan, pahina 17-18, parapo 12-14, ya ipabitar so kakabatan ed inagew-agew a paningbat ed teksto bilang sankapamilyaan. Interbioen iray membro na pamilya, a balang sakey so makanonot ed agano nin impaningbat ed inagew-agew a teksto a mamaneknek a nagkalalo lan makagungguna tan mangiter na rason no akin. Idanet a saya so nepeg a kabiangan na regular a programa na panagaral na pamilya a denisinyo pian mamabiskeg ed sankaabungan tayo tan mamasiansian aktibo so pamilya ed ministeryo.

Kanta 67 tan pansaran pikakasi.

Simba na Enero 22

Kanta 90

7 min: Lokal iran pakabat.

18 min: No Panon so Pangiparaan ed Saray Introduksion. Paliwawa tan saray demostrasyon. Repasoen so manuna iran punto ed libron Reasoning, pahina 9. Ipanengneng no panon tayon manpili na saray introduksion a matukotukoy ed paraan na pangiparungtal, personalidad, tan teritorya tayo. Repasoen iray pigaran pangaligan ya introduksion a nausar ed brosyur a Kakaukolanen, tan paidemostra so sakey odino duara ed saratan. (Nengnengen so Abril 1997 a Ministeryo Tayo ed Panarian, pahina 8.) Pasesegen so amin ya epektibon usaren iray suhestion diad libron Reasoning tan Ministeryo Tayo ed Panarian ed kimey da ed lawak na kimeyan.

20 min: “Magmaliw a Maong a Dumerengel.” Paliwawa tan singbaten ed dumerengel. Repasoen iray punto manlapud School Guidebook, pahina 27-8, parapo 15-17. Say sankaabigan a panubok ed panagdengel tayo et no kaunongan so natandaan tayo. Imbitaan so dumerengel a nonoten so pigaran matalonggaring a punto a kinobrian na saray akibiang ed kasumsumpal a Teokratikon Eskuelaan Parad Panagministro.

Kanta 96 tan pansaran pikakasi.

Simba na Enero 29

Kanta 139

10 min: Lokal iran pakabat. Panonotan iray manangipalapag ya iter daray report da ed lawak na kimeyan parad Enero. Salambiten so opresin literatura ed Pebrero, ya ipabitar iray libron wala ed kongregasyon.

15 min: Paliwawa na sakey a matatken nipaakar ed libron Sekreto na Liket ed Pamilya. Sagyaten so pantalaran parad panaral ed sayan libro ed Panagaral na Libro ed Kongregasyon. (Nengnengen so Panag-Bantayan, Enero 1, 1999 pahina 3-5.) Pasesegen so amin a mibiang a maong ed saray sinimban diskusyon diad panagaral na libro. Amin so malabay a regular ya onatendi, mibiang, magunaet a makaaral na dakel no posibli nipaakar ed sekreto na liket ed pamilya.

20 min: “Atateng​—Ipaslep ed Ananak Yo Iray Makanan Ugali.” Paliwawa tan interbio ed atateng a maabig so espiritualidad na ananak da. Ipabitar na atateng iray positibon agawaan da pian napibali iray ananak da ed lawak na ministeryo. No wala ni oras, itekep iray suhestion manlapud libron Liket ed Pamilya, pahina 55-9.

Kanta 149 tan pansaran pikakasi.

Simba na Pebrero 5

Kantan 168

10 min: Lokal iran pakabat.

15 min: “Magmaliw a Maliket a Mananumpal.”b Ipanengneng no antoy mangarum ed gayaga tayo’d serbisyo ed Dios, a singa nidatak ed libron Insight, Tomo 2, pahina 120, parapo 6-8.

20 min: Makaromog Kayo na Maabig a Panligliwaan. Singbaten na sankapamilyaan so simbawan niiter diad Mayo 22, 1997, ya Awake! Mapaga so ama nipaakar ed saray panagligliwaan na pamilya. Kayari antikey a repaso ed “What Has Happened to Entertainment?” (pahina 4-7), ipabitar da iray nengneng na panagligliwaan a maong tan makagungguna. Singbaten so materyal ed libron Our Ministry, pahina 131-2, ed silong na “Recreation,” tan pahina 135-6, ed silong na “Do All Things for God’s Glory.” Idanet so betang na atateng ed panangidaulo tan say pankaukolan parad saray membro na pamilya a mikoopera parad kagunggunaan na intiron sankaabungan.

Kanta 190 tan pansaran pikakasi.

[Saray paimano ed leksab]