Saray Pakabat

◼ Opresin literatura parad Disyembre: Iyopresi so brosyur a Libron Parad Amin a Totoo kaibay New World Translation of the Holy Scriptures. Enero: Iyopresi so dinanman a 192-pahina iran daan a libro. No anggapo la iraya ed kongregasyon, nayarin iyopresi so libron Liket ed Pamilya. Pebrero: Life​—How Did It Get Here? By Evolution or by Creation? No aliwan Ingles so maslak ya uusaren, say libron Liket ed Pamilya so iyopresi. Marso: Iyopresi so libron Pikakabat insan panggunaetay pangigapo na panangiyaral na Biblia.

◼ No manbakasyon odino onatendi kayo ed distriton kombension diad sampot na Disyembre, seguroen yon iter so report yo ed sekretaryo sakbay na iyalis yo. No pampelengan na amin a manreport ed dugan panaon diad sampot na bulan, nakompleto so report ed Disyembre.

◼ Saray Kontribusyon ed Distriton Kombension: Amin a panggastosan diad saray kombension, pati lay pangabang ed matukoy iran pasilidad, pangiparaan ed plataporma tan public address system, ontan met ed pangitarya ed antokaman a balon publikasyon a nipaway, so susuportaan na saray boluntaryon kontribusyon para ed sankamundoan a kimey. Maseguro kamin sinononot kayo ed saya sano onatendi kayo. Makapankontribusyon kayo diad pangipelag yo ed saray contribution box a wala ed kada kombension.​—Nengnengen so parapo 19 ed insert na Ministeryo Tayo ed Panarian na Nobyembre, 1999.

◼ 2001 a Teksto-ed-Taon: Say teksto-ed-taon 2001 so inaon ed Colosas 4:12, unong ed New World Translation: “Ontalindeg a nagnap tan tekep na mapekder a kombiksion ed amin a linawa na Dios.” Amin a kongregasyon so nepeg a mangiyuksoy ed pangipeket ed balon teksto-ed-taon diad Kingdom Hall da no Enero 1, 2001.

◼ Eskedyul na Panagaral na Libro ed Kongregasyon: Manlapud simba na Pebrero 5, 2001, angga ed Hulyo 23, 2001, aralen so libron Say Sekreto na Liket ed Pamilya diad saray Panagaral na Libro ed Kongregasyon.