Repaso ed Teokratikon Eskuelaan Parad Panagministro
Kaput-libron repaso ed materyal a kinobrian ed saray asainmin ed Teokratikon Eskuelaan parad Panagministro a para ed saray simba na Setyembre 4 ya anggad Disyembre 18, 2000. Usaren so akabiig a peligo na papel a pangisulatan ed saray ebat ed anggan panon a karakel na tepet a nayarian yo diad nigeter a panaon.
Imanoen: Legan na insulat a repaso, say Biblia lambengat so nayarin usaren diad pangebat ed anggan anton tepet. Saray reperensya ya ontumbok ed saray tepet so para ed personal a pansukimat yo. Saray pahina tan numero na parapo so nayarin ag-ompatnag ed amin a reperensya ed Say Panag-Bantayan.
Ebatan so kada onggendan iran balikas na Tua o Tila:
1. Pinugeran nen David si Abisai a pateyen si Simei lapud walay eebatan nen David ed panamakasalanan nen Simei. (2 Sam. 16:5-13) [Sinimban babasaen ed Biblia: nengnengen so w99 5/1 p. 32 par. 3.]
2. Say malinis, suston nipasal a konsiensia so aglabat mangitonton ed maligsa, personal a relasyon ed Dios noagta makana parad kilalaban tayo. (Heb. 10:22; 1 Ped. 1:15, 16) [w98 9/1 p. 4. par. 4.]
3. Say salaysay ed 1 Arari et samet labat so kablian to ed awaran parad sakey a Kristiano lapud 2 labat ed 14 ya arari a nanuley ed Israel tan Juda kayari na impatey nen Solomon so nanggaway maptek ed imaton nen Jehova. [si p. 64 par. 1]
4. Nayarin ikompara so Sanlibon Taon ya Uley nen Jesus ed say mareen tan maaligwas a 40-taon ya uley nen Solomon. (1 Ara. 4:24, 25, 29) [Sinimban babasaen ed Biblia: nengnengen so w90 6/1 p. 6 par. 5.]
5. Say mapagalang a ponpon nen Abias et malinew ya ebidensia a sikatoy matoor a managdayew ed si Jehova, say alenleneg ed abung nen Jeroboam. (1 Ar. 14:10, 13) [Sinimban babasaen ed Biblia; nengnengen so w95 4/1 p. 12 par. 11.]
6. Say pampabautismo na Kristiano so mangipatnag ed sakey a matakken la ed espiritual a lingkor na Dios. [w98 10/1 p. 28 par. 2.]
7. Inikdan nen Jehova si Elias na tepel a labas nen say too a pakayari pian ag-ontakot. (1 Ara. 18:17, 18, 21, 40, 46) [Sinimban babasaen ed Biblia; nengnengen so w98 1/1 p. 31 par. 2.]
8. Nikabkabiig so inkipaalagey na templo nen Solomon ya aliwa labat lan lapud gloria tan kabili na materyal na satan noagta lapud iyaanino na satan so lalon maglorian espiritual a templo nen Jehova. [si p. 69 par. 26]
9. Say inkabulag na sundalo na saray Siryo diad balikas nen Elias et mapatnag ya abulag ed nonot lapud ta nanengneng da si Elias balet ta sikatoy agda nabidbir. (2 Ara. 6:18, 19) [Sinimban babasaen ed Biblia; nengnengen so si p. 70-1 par. 10.]
10. Say impangiyan ed ‘say Testimonya,’ ya abitla ed 2 Arari 11:12, et sakey a simbolikon tanda a mangipatnag a say panangipatalos na ari ed Ganggan na Dios et pinal tan nepeg a tuloken. [Sinimban babasaen ed Biblia; nengnengen so w91 2/1 p. 31 par. 6.]
Ebatan so onggendan iran tepet:
11. Mitunosan ed 1 Juan 2:15-17, antoy kaukolan ya ipaseseg na maridios ya atateng a paliisan na ananak da sano igiya ira ed pampili na matukoy a trabaho? [w98 7/15 p. 5 par. 2]
12. Antoy labay ya ibaga na 2 Samuel 18:8, a kuanton: “Say takel inakmon to so dakdakel a totoo nen say inakmon na kampilan”? [Sinimban babasaen ed Biblia; nengnengen so w87 3/15 p. 31 par. 2.]
13. Siopa natan so nayarin ikompara ed kakanayon nen Goliat, a Refaim, tan antoy panggugunaetan dan gagawaen? (2 Sam. 21:15-22) [Sinimban babasaen ed Biblia; nengnengen so w89 1/1 p. 20 par. 8.]
14. Anton makagunggunan prinsipyo ed Biblia so naaralan tayo ed 2 Samuel 6:6, 7? [si p. 63 par. 30]
15. Anton importantin prinsipyo so naaralan tayo manlapud inkagawa nipaakar ed impamatey ed sakey a laki ya anumlang ed Sabaton? (Num. 15:35) [w98 9/1 p. 20 par. 2]
16. Panon tayon naalig so reyna na Sheba, a nambiahe na arawrawi pian dengelen ‘so kakabatan nen Solomon’? (1 Ara. 10:1-9) [Sinimban babasaen ed Biblia; nengnengen so w99 7/1 p. 31 par. 1-2.]
17. Unong ed 1 Arari 17:3, 4, 7-9, 17-24, diad anton taloran dalan ya impanengneng nen Elias so pananisia to ed si Jehova? [Sinimban babasaen ed Biblia; nengnengen so w92 4/1 p. 19 par. 5.]
18. Akin a say ag-impangiter nen Nabot ed ubasan to ed si Ahab et aliwan lapud sikatoy anawet-tenten? (1 Ara. 21:2, 3) [Sinimban babasaen ed Biblia; nengnengen so w97 8/1 p. 13 par. 18.]
19. Panon a saray salita ed 2 Arari 6:16 so kapasesegan na saray lingkor nen Jehova natan? [Sinimban babasaen ed Biblia; nengnengen so w98 6/15 p. 18 par. 5.]
20. Diad antoran dalan a nepeg a manbantay iray tuan Kristiano natan sumpad simonya? [w98 11/15 p. 28 par. 5]
Iter so salita o balikas a nakaukolan pian nakompleto so kada onggendan iran balikas:
21. Say sakey a tuan Kristiano so agnepeg ya ․․․․․․․․ tan agmibiang ed saray kustombre a kainglit na ․․․․․․․․. (Uli. 29:25; Mat. 10:28) [w98 7/15 p. 20 par. 5]
22. Diad impantasi ed arap nen Arin Agripa, inusar nen Pablo so ․․․․․․․․, ya indanet to iray punton ․․․․․․․․ nen Agripa. (Gawa 26:2, 3, 26, 27) [w98 9/1 p. 31 par. 3]
23. Lapud ․․․․․․․․ so Dios, nayarin liknaen na arum a sikatoy aliwan persona, balet say mabetbet tan makulin ․․․․․․․․ et nayarian na sakey a too a ‘nanengneng so Sakey ya agnanengneng.’ (Heb. 11:27) [w98 9/15 p. 21 par. 3-4]
24. Singa nanengneng ed kipapasen na heneral na Sirya a ․․․․․․․․, no maminsan et baleg iray gungguna ed samet labat ya ․․․․․․․․. [Sinimban babasaen ed Biblia; nengnengen so w99 2/1 p. 3 par. 6–p. 4 par. 1.]
25. Singa ed say puso nen Jehonadab a walad si Arin Jehu, say ․․․․․․․․ natan et intiron-puson mamibidbir tan mitutulongan ed Babaleg a Jehu, si ․․․․․․․․, ya ilalaman ed dalin na ․․․․․․․․. (2 Ara. 10:15, 16) [Sinimban babasaen ed Biblia; nengnengen so w98 1/1 p. 13 par. 5-6.]
Pilien so dugan ebat ed kada onggendan iran balikas:
26. Inayat nen (Satanas; Jehova; Joab) si David a mankasalanan diad ‘impamilang ed Israel.’ (2 Sam. 24:1) [Sinimban babasaen ed Biblia; nengnengen so w92 7/15 p. 5 par. 2.]
27. Bilang pitunosan ed 1 Arari 8:1 tan Eclesiastes 1:1, tinipon nen Solomon so totoo pian (ipaalagey so templo; usilan iray kakabusol na Israel; dayewen si Jehova). [Sinimban babasaen ed Biblia; nengnengen so si p. 112 par. 3.]
28. Say 20-taon a panaon na impangipaalagey nen Solomon ed templo tan say abung to ed Jerusalem so nikompara ed panaon na panangipetek nipaakar ed doktrina tan organisasyon a ginmapo nen (1919; 1923; 1931) tan satan so angangga nen (1938; 1942; 1950). (1 Ara. 9:10) [Sinimban babasaen ed Biblia; nengnengen so w92 3/1 kahon ed p. 20.]
29. Say terminon “tawen” a nausar ed 2 Arari 2:11 so manutukoy ed say (espiritual ya ayaman na Dios; pisikal ya uniberso; atmospera na dalin, a tetekkiaban na saray manok tan sisiplogay dagem). [Sinimban babasaen ed Biblia; nengnengen so w97 9/15 kahon ed p. 15.]
30. Si (Herodes a Baleg; Cesar Augusto; Tiberius Cesar) so angiganggan ed pan-sensus a lapud satan et nianak si Jesus ed Betlehem imbes a diad Nazaret. [w98 12/15 kahon ed p. 7]
Ipetek so onggendan iran teksto ed saray balikas a nilista ed leksab:
Sal. 15:4; 2 Sam. 12:28; 2 Sam. 15:18-22; 2 Ara. 3:11; Col. 3:13
31. Say inkaulo ed teokratikon uksoyan nen Jehova so nepeg a respetoen. [si p. 63 par. 30]
32. Say katooran ed organisasyon nen Jehova tan ed saray manangilaman na satan so nepeg a pansiansiaen. [si p. 63 par. 30]
33. Say apresasyon ed panangasi nen Jehova so mamakiwas ed sakey pian pugeran tan sakbongan iray kakulangan. [w98 11/1 p. 6 par. 3]
34. Pribilihyo so pamarawes tan mapaabeban panlingkor ed saray matoor a lingkor nen Jehova a walad espisyal a serbisyo. [Sinimban babasaen ed Biblia; nengnengen so w97 11/1 p. 31 par. 1.]
35. Gawaey anggaay nayarian na sakey a matakot ed Dios a too pian tooren toy salita to a bayaran so otang to, anggano walaray agnailaloan a kipapasen a manggawa’d satan a mairap unong ed ilaloan. [w98 11/15 p. 27 par. 1]