Matalonan Mibiang ed Manangisalbay-Bilay a Ministeryo Tayo
1 Intukoy nen apostol Pablo so presentasyon to ed maong a balita pian “dia ed ami gawa nilaban [to] so saray arum.” (1 Cor. 9:19-23) Ontan met, lalo itayon matalona ed ministeryo tayo no alisto tayon natebek iray paninteresan na onabung tan no akaparaan itayon itukoy so pitotongtong tayo ed saray pankaukolan to.
2 Kayari yon mikabat, nayarin igapo diad pangibaga yo na singa onia:
◼ “Dakel a totoo so nadidismaya lapud mapatpatnag ya agnayarian na saray gobierno ed mundo ya iter so praktikal iran solusyon ed saray problema ed panaon tayo. Inisip yo la kasi no walay sakey a gobiernon nagnap a makaasikaso ed amin a pankaukolan tayo? [Abuloyan ya onebat.] Kasin amta yo a walay napanmatalkan a nisipan a gobierno a seguradon mangekal ed amin a probleman aarapen tayo?” Dengelen a maong so ebat na onabung. Dependi ed ibaga to, iparaan yo so sakey ed pigaran nanduruman presentasyon.
3 No ipatnag na saray komento na onabung a sikatoy mankuan a Kristiano, itepet tayo sirin no darasalen toy “Ama Mi.” No on so ebat to, nayarian tayon ibasa so modelon pikakasi a kuan to diman, “Onsabi pa komon so panarian mo. Nagawa komon so linawam, unong ed tawen, ontan met ed dalin.” (Mat. 6:9, 10) Paneknekan na saya a naani et nagaway linawa nen Jehova dia ed dalin. Nayarin saglawien so matukoy ya artikulo diad Panag-Bantayan odino Awake! odino dia ed pahina 12 na Anto so Kakaukolanen na Dios ed Sikatayo?
4 No ompatnag a napnek la so onabung ed kipapasen to ed bilay, nitepet yo iya:
◼ “Akin a masimoon tayon umamengen so ibabagay Biblia nipaakar ed pansumpalan na gobierno?” Insan tayo usaren so impormasyon a naromog diad libron Reasoning ed pahina 154 tan 155 (p. 309 diad Tagalog), bitlaen a magano so sakey odino arum a kabiangan na waloran rason a niiyan ditan. No interesado so onabung, usaren so tract a Kasin Sayan Mundo so Niliktar?, igapo ed unonan parapo diad pahina 2.
5 Agsigpot a matalona so pilimeron dalaw no agyo asagyat so interes na onabung parad ontumbok ya ibisita. Kanian, seguroen yon mangitepet na makapasagyat a tepet tan isipan yon ebatan itan sano ompawil kayo.
6 Diad niiter iran presentasyon ed tagey, pilien so moriaen yon matukoy ya ibaga. Iyadapta yo irayan suhestion pian ontukoy ed teritorya yo. Kabisadoen iray usaren yon brosyur, tract, tan saray artikulo na magasin ta pian nitukoy yon tampol so tongtongan yo ed saray pankaukolan na onabung. Pampelengan tayo komon ya iparaan iray presentasyon tayo, “nisengeg ed ebanghelyo” tan sirin matalona tayon mibiang ed sayan manangisalbay-bilay a ministeryo.—1 Cor. 9:23.