Saray Pakabat

◼ Opresin literatura ed Oktubre: Saray kopya na Say Panag-Bantayan tan Awake! No walay naromog ya interesado diad ipawil tayo, nayarin iyopresi so subskripsion. Onggapo ed banda’d sampot na bulan, ibunog so Kingdom News No. 36. Nobyembre: Ituloy ya ibunog so Kingdom News No. 36. No walaray kongregasyon ya asumpal da lay teritorya ra, a naikdan da laray kada onabung na kopyay Kingdom News No. 36, nayari da lan iyopresi so libron Pikakabat odino say brosyur a Kakaukolanen. Disyembre: Iyopresi so brosyur a Libron Parad Amin a Totoo a kaibay New World Translation of the Holy Scriptures. Enero: Iyopresi so dinanman a 192-pahina iran libro. No anggapo la iraya ed kongregasyon, nayarin iyopresi so libron Liket ed Pamilya.

◼ Say insert ed pahina 3-6 na sayan paway na Ministeryo Tayo ed Panarian et say “Eskedyul ed Teokratikon Eskuelaan Parad Panagministro Parad 2001.” Ipangasin imanoen: Parad 2001 say komatlo tan komapat a betang na estudyante so nibase’d libron Reasoning from the Scriptures. Wala ed Cebuano, Iloko tan Tagalog iyan libro. Parad Bicol, Hiligaynon, Pangasinan tan Samar-Leyte, saray tema so nipatalos balet say reperensia et walad Ingles a libron “Reasoning.”

◼ No Nobyembre 1, dakel a totoo so sinononot ed inad-aro ran inaatey, kanian matukoy so pangawit tayo na tract a What Hope for Dead Loved Ones? tan saray brosyur a Sano Naandi’d Bilay so Pinabli Yo odino Antoy Nagagawa ed Sikatayo Sano Inatey Itayo? sano mankakabkaabungan odino dia ed saray sementeryo ed satan ya agew.

◼ Lapud onggapo so espisyal a kampanya tayo ed Kingdom News No. 36 no Oktubre 16 ya anggad Nobyembre 17, alay abig iyan pankanawnawa a pan-auxiliary payunir. Pasesegen mi so amin a makasarag a man-aplay leleg na Oktubre tan Nobyembre.

◼ Nayari lan ipawit natan iray pedido parad 2001 Yearbook of Jehovah’s Witnesses. Ipawit mi so special Yearbook Order Blank ed kada kongregasyon katekep na statement ed Agosto. Sano naawat yo iya, sulatan tan ipawit ed Sosyedad ya ag-onlampas ed Nobyembre 15.