Eskedyul ed Pantitipon ed Panagserbi
Simba na Oktubre 9
Kanta 11
8 min: Lokal iran pakabat. Apilin Saray Pakabat manlapud Ministeryo Tayo ed Panarian.
12 min: “Mantanem na Dakel Balet Tekepan na Pakatebek.” Tepet tan ebat a diskusyon.
25 min: “Say Balon Milenyo—Anton Arapen so Itatarya na Saya ed Sika?” Maligsan singbaten na manangasikaso na serbisyo. Kayarin nibasa so pakabat ya akatekep ed sulat na Sosyedad ed saray mamatatken, a Hulyo 3, 2000, ikdan na sakey a kopya na Kingdom News No. 36 so balang sakey ya inmatendi. Insan igapo so tepet tan ebat a diskusyon ed artikulo. Ibinsabinsa iray lokal ya uksoyan parad sigpot a pangobri ed teritorya. Singbaten no panon a tulongan iray balo ni ontan met ed ugugaw pian onkualipika bilang agbautismadon manangipalapag. Idemostra so antikey a presentasyon.
Kanta 53 tan pansaran pikakasi.
Simba na Oktubre 16
Kanta 104
10 min: Lokal iran pakabat. Report na kuenta. Panonotan iray manangipalapag a legan na sampot simban kimey et saray magasin a Panag-Bantayan tan Awake! so iyopresi katekep na Kingdom News No. 36.
15 min: “Saray Uusaren a Pambangat, Pamakiwas, tan Pamabiskeg.” (Parapo 1 tan 2 labat.) Paliwawa. Repasoen a magano so awaran na panamawala na Sosyedad na video. (Nengnengen so libron Proclaimers, pahina 600-601.) Pasesegen so amin a bantayan so video a Jehovah’s Witnesses—The Organization Behind the Name pian makapamparaan sano singbaten itan diad Service Meeting na Oktubre 30. Ipabayes na saramay walay video ed saramay anggapoy video, odino iba da la ran manbantay.
20 min: Amin Tayo so Makapangidemostra ed Espiritu na Panagpayunir. Singbaten na konduktor na panagaral na libro kaibay assistant to, a nibase’d Oktubre 15, 1997, a Panag-Bantayan, pahina 22-3. Singbaten no akin a makapaseseg so kiwala na dakel a payunir ed kongregasyon tan no panon a makatulong so amin nipaakar ed pandampot ed sayan kalat.
Kanta 131 tan pansaran pikakasi.
Simba na Oktubre 23
Kanta 150
10 min: Lokal iran pakabat.
20 min: “Matalonan Mibiang ed Manangisalbay-Bilay a Ministeryo Tayo.” Paliwawa tan saray demostrasyon. Kayari na antikey ya introduksion, iparungtal so duaran demostrasyon a nibase’d parapo 2-4. Kayari na kada demostrasyon, tepetan so dumerengel no panon a nitukoy so presentasyon ed nanduruman sirkumstansia dia ed lokal a teritorya.
15 min: Manparaan a Maong Parad Miting. Paliwawa tan singbaten ed dumerengel. Say gungguna a nagamoran tayo ed saray miting so mandependi a tuloy no kaunongay pansasagpot tayon manparaan. Repasoen iray praktikal a suhestion a walad Marso 1, 1998, a Panag-Bantayan, pahina 15-16, parapo 8-11.
Kanta 211 tan pansaran pikakasi.
Simba na Oktubre 30
Kanta 167
8 min: Lokal iran pakabat.
12 min: Saray eksperiensia ed Impan-opresi na Kingdom News No. 36. Paidalatdat ed pigaran manangipalapag iray makapaseseg a resulta ya agamoran da diad impangibunog na Kingdom News No. 36.
25 min: Jehovah’s Witnesses—The Organization Behind the Name. Singbaten ed dumerengel. Singbaten iray tepet diad parapo 3 na “Saray Uusaren a Pambangat, Pamakiwas, tan Pamabiskeg.” Isuheri no panon a nausar so video pian tulongan iray interesado a lalon makapikabat ed organisasyon tayo.—Nengnengen so Oktubre 1, 1992, a Watchtower, pahina 30-1. (Paimano: Diad saray kongregasyon ya anggapon balot so anggan sakey a video, nayarin ipaliwawa “Iyapay so Naabobonan Iran Bagat ed si Jehova,” a nibase’d Pebrero 1, 1999, a Panag-Bantayan, pahina 20-22.)
Kanta 15 tan pansaran pikakasi.
Simba na Nobyembre 6
Kanta 198
15 min: Lokal iran pakabat. Repasoen so aligwas na impangibunog ed Kingdom News No. 36. Ipakabat no kaunongan a teritorya so akimeyan tan no antoy kaukolan pian nakobrian ya amin anggad Nobyembre 17.
20 min: Anto so Sisiaen Tayo? Pawilen na agin laki so toon nantepet na, “Anto so ibabangat na Tastasi nen Jehova a manggawa’d sikaran duma ed arum a relihyon?” Singbaten iray punto a walad kahon ed pahina 6 diad Oktubre 1, 1998, a Panag-Bantayan.
10 min: Panagkanta—Importantin Kabiangan na Panagdayew Tayo. Katongtongen na konduktor na panagaral na libro so duaran manangipalapag nipaakar ed panagkanta ra ed saray miting ed kongregasyon. Naimano ton anggapoy ligsa na panagkanta ra. Inabang toray pigaran punto a manlapud Pebrero 1, 1997, a Panag-Bantayan, pahina 27-8. Analisaen da iray liriko na sakey ed saray kansionen diad Panagaral na Panag-Bantayan ed satan a simba, unong a nisuheri ed Hulyo 1, 1999, a Panag-Bantayan, pahina 20, parapo 12. Diad masimoon a panagkanta, maligsa tayon nibalikas so impapuson panangidayew ed si Jehova.
Kanta 223 tan pansaran pikakasi.