Eskedyul ed Pantitipon ed Panagserbi
Simba na Pebrero 14
Kanta 113
10 min: Lokal iran pakabat. Apilin Saray Pakabat manlapud Ministeryo Tayo ed Panarian.
18 min: “Ontuan Amin so Mapropetikon Salita na Dios!” Agsasabien so sakey minuto parad introduksion, insan tumbokan na tepet tan ebat a diskusyon. Idanet so pigaran detalyi manlapud balon libro a mangipabitar ed kaimportantian na panaon tayo.
17 min: Iplano so Pan-auxiliary Payunir ed Sayan Tiagew. Makapaseseg a paliwawa tekep na makatulong ya impormasyon parad saramay malabay a man-auxiliary payunir legan na Marso, Abril, tan Mayo. Repasoen iray punto ed sigpit na Marso 1998 a Ministeryo Tayo ed Panarian, pahina 3-6. Idanet a say Abril so nagkalalo lan maabig a bulan a pan-payunir lapud walaan itan na limaran Sabado tan limaran Simba. Interbioen so sakey a manangipalapag a maparanay a man-auxiliary payunir tan sakey met a nanggayagaan to itan a pribilihyo nen imbeneg ya Abril, a tepetan ira no antoy akapasesegan dan manpayunir tan antoran gungguna so nanggayagaan da tan no akin a pasesegen day arum a salien da met iya ed panaon na Memoryal. Pasesegen so amin ed kongregasyon ya onatendi ed miting kayari na Panagaral na Panag-Bantayan ed sayan Simba, Pebrero 20, parad saramay manplaplano a man-auxiliary payunir legan na ontumbok a taloran bulan.
Kanta 182 tan pansaran pikakasi.
Simba na Pebrero 21
Kanta 17
10 min: Lokal iran pakabat. Report na kuenta.
15 min: “Bibii a Makulin Mankikimey ed Katawan.” Agsasabien so sakey minuto parad introduksion, insan tumbokan na tepet tan ebat a diskusyon. Ilaktip iray komento ed Setyembre 15, 1996, a Panag-Banyatan, pahina 14-15, parapo 18-19. Ampetapetang a komendaan iray agagin bibii lapud mabulos a suporta ra, saray makagunggunan serbisyo a gagawaen da parad arum, tan say maseseg a panagpulong da.
20 min: “Antoy Makatulong ed Sikatayo Pian Makatalindeg a Malet ed Pananisia?” Paliwawa na matatken. Manbibilay itayo ed maatap a panaon, tan kaukolan tayon amin so tulong ed arum a paraan. Repasoen no antoy nagawaan na saray mamatatken tan ministeryal a lingkor pian pabiskegen iramay nagigirogiro lapud makapadismaya iran problema. (Nengnengen so subheading a “Panagpastol a Makapabiskeg” diad Setyembre 15, 1993, a Panag-Bantayan, pahina 21-3.) Ipaliwawa no panon itayon makapanpapasesegan diad paraan a napabiskeg itayo ed espiritual.—Roma 1:11, 12.
Kanta 82 tan pansaran pikakasi.
Simba na Pebrero 28
Kanta 46
10 min: Lokal iran pakabat. Panonotan so amin ya iter day report da ed lawak na kimeyan parad Pebrero. Repasoen a magano so “Apatiran Mainomay a Paraan” ed pangusar na saray tract pian igapo so tongtongan a nidatak ed pahina 8 nen imbeneg a bulan a Ministeryo Tayo ed Panarian. Idemostra no panon a say tract a Peaceful New World so nayarin usaren pian niparungtal so libron Pikakabat no Marso. Kayari impantepet manlapud manangilukas a parapo ed tract, basaen so unonan parapo ed pahina 3, ilaktip so Salmo 37:29. No interesado, ilukas so libron Pikakabat ed pahina 5, basaen so walad kahon, insan iyopresi so panagaral. Diad sayan bulan et nepeg a panggunaetan na amin so pangigapo na balon panangiyaral na Biblia.
7 min: “Tepet.” Paliwawa na matatken ed duaran asingbat a tepet.
10 min: “No Panon a Paaligwasen so Abilidad a Mankatunongan.” Paliwawa tan demostrasyon. Ipaliwawa no akin a say abilidad a mankatunongan so importantin tuloy ed ministeryo tan no panon a nagamoran itan. Singbaten na duaran makayarin manangipalapag no panon so pamparaan ed ministeryo diad panumbok ed saray paraan a nidatak ed parapo 3 na artikulo insan da idemostray presentasyon da.
18 min: “Ipulong so Maong a Balita Tekep na Mabiskeg a Kombiksion.” Igapo ed panamegley na duara odino taloran minuto ya impapuson introduksion a nibase ed materyal ontan met ed nisitas tan inaon iran teksto ed parapo 1 tan 2. Insan kobrian so parapo 3-12 diad panamegley na tepet tan ebat.
Kanta 61 tan pansaran pikakasi.
Simba na Marso 6
Kanta 116
5 min: Lokal iran pakabat. Paidalatdat a magano ed saray manangipalapag so agano ni tan matukoy iran eksperiensia ra ed lawak na kimeyan.
10 min: Lokal iran pankaukolan.
10 min: “Imanoen No Panon so Italineng Yo.” Singbaten na ulo na pamilya ed asawa to tan ananak to no antoy nagawaan da pian nagkalalon nagunggunaan manlapud saray miting ed kongregasyon, asamblea, tan kombension. Seguroen ton amin ed pamilya so manimano a maong. Repasoen da iray suhestion a nilista tan konsideraen da no panon ya iyaplika so balang sakey, laktip lay pankaukolan na malaglaem a pantongtong nipaakar ed saray naaralan da. Konsideraen da no panon iran mitunosan ed determinasyon dan agnasaew so antokaman a miting odino sesyon ed kombension odino ed asamblea no nayadyari.
20 min: “Ipulong so Maong a Balita Tekep na Mabiskeg a Kombiksion.” Kayari antikey a repaso ed asingbat lan 12 parapo na sigpit nen imbeneg a simba, singbaten iray parapo 13-24 diad panamegley na tepet tan ebat. Usaren a maong iray inaon tan nisita iran teksto.
Kanta 186 tan pansaran pikakasi.